Bütün dünyanın sevimlisi Lionel Messinin həyat dəyərləri

Bütün dünyanın sevimlisi Lionel Messinin həyat dəyərləri Lionel Messi
Futbolçu, Barselona

“Mənə fərqli saç düzümü və ya gözəl bədən lazım deyil. Sadəcə topu mənim ayaqlarıma atın, mən isə bütün bacardığımı edəcəyəm.”

Mənim əvəzimə ayaqlarım danışır.12 ildir ki, Barselonada yaşayıram, əksər arqentinalılar düşünür ki, mən arqentinalı olmağı dayandırmışam, amma bu doğru deyil.Düşünürəm ki, mənim eqom yoxdur. Ən azından, o özünü birüzə verməyib.Mən Pele, Maradona və ya Di Stefano kimi çempionlara böyük hörmətlə yanaşıram, lakin indi onlarla müqayisə olunmaq istəmirəm. Bu haqda mən təqaüdə çıxdıqdan sonra danışarıq.
Uşaqlıqdan çox sakit həyat tərzi sürürəm və bütün vaxtımı futbola həsr edirəm. Mən balaca olanda dostlarım hər zaman məni gəzməyə çağırırdılar, amma mən nadirən onlarla gedirdim, çünki bilirdim ki, sabah mənim məşqim var. O zamanlardan heç nə dəyişməyib. Dostlarım harasa gedib, məni də çağırırlarsa, mən evdə qalıram.

Fədakarlıq və istedad hər zaman birlikdə irəliləyirlər.

Əgər sən hər gün yeni bir şey öyrənə bilsən, həyat daha gözəl olardı

Mən ən yaxşı olmağa qarşı deyiləm. Amma yalnız mükəmməllik mövqeyindən özümü tənqid eləmək üçün.

Şəxsi uğurumu heç bir ölçü vahidiylə ölçmürəm. Dünən nə baş verdisə, dünəndə qalır, sabah nə baş verəcəyi haqqında düşünmək lazımdır. Mənim həyatım keçmişi fikirləşə bilmək üçün çox sürətlə irəliləyir. Mən təqaüdə çıxanda bütün bunlar haqqında düşünəcəyəm.

Mükafatlar – yaxşıdır, amma bunlar məni yox, jurnalistləri həyəcanlandırmalıdır.

Vurduğum ən gözəl qolun hansı olduğunu deyə bilmərəm. Mən qollara gözəl və gözəl olmayan kimi yox, vacib və ya əhəmiyyətsiz qol kimi yanaşıram. Final oyunlarında vurulan qollar həmişə əhəmiyyətlidir.

Bütün oyunlarda mən eyni cür oynayıram – sanki bu, finaldır.

Bir dəfə “Arsenal”-dan bir oğlan oyundan sonra mənə yaxınlaşaraq dedi: Səninlə bir meydanda oynamaq mənim üçün şərəf idi. Mən isə fikirləşdim: Aman Tanrım, bunu bir az öncə komandası məğlub olan bir insan deyir.

Həyatda qalibiyyət və məğlubiyyətdən daha vacib şeylər var.

Ata olmaq məsələlərə yeni baxış bucağından baxmaq deməkdir. Dünən sənin milyon vacib işin var idi, amma bu gün sənin ən vacib işin oğlundur.

Hansısa məqamda sən özünə deməlisən: heç kim hər zaman qalib gələ bilməz.

Pul məni yaxşı oynamağa məcbur etmir. Hələ də mən özümü anasından topu güclə alıb, küçəyə onu qovmaq üçün çıxan uşaq kimi hiss edirəm. Bu hissi itirən gün mən futbolu tərk edəcəyəm.

Əgər mənə professional futbolçu kimi pul ödəməyi dayandırsalar, mən yenə də həminki kimi pulsuz oynayardım. Əlbəttə, pul həyatı daha da asanlaşdırır, amma məni ilhamlandırmır. Mən iqtisadi göstəricilərimi yaxşılaşdırmaq üçün yox, futbol oynamaq üçün yaşayıram.

Mənə fərqli saç düzümü və ya gözəl bədən lazım deyil.Sadəcə topu mənim ayaqlarıma atın, mən isə bütün bacardığımı edəcəyəm.

Mən düşünürəm ki, Ronaldo möhtəşəmdir və burada heç bir paxıllıqdan söhbət gedə bilməz. Əgər Ronaldo olmasaydı, mən daha yaxşı olmaq üçün çalışmazdım və deməli yerimdə sayardım.
Daha yaxşı ola bilməyəcəyini anladığın gün ən kədərli gündür.

Məni dünyada ən yaxşı futbolçu olmaqdan çox, yaxşı insan olmaq narahat edir. Əks halda, karyeram bitdikdən sonra mən kim olacağam? Yaxşı insan kimi yadda qalmaq mənim üçün daha xoş olardı.

Mən hələ də bəzi şeylərin üzərində işləməliyəm. Məsələn, mən sağ və sol ayağımla bərabər şəkildə yaxşı vurmaq istəyirəm.

Argentina – təkcə Messi demək deyil.

pahoo.az

Oxşar xəbərlər