Azərbaycanın nüfuzlu ali təhsil ocaqlarından biri kimi cəmiyyətin elmi-intellektual potensialının inkişafına əvəzsiz töhfələr verən, Azərbaycan Sənaye İnstitutunun bazasında yaradılan Sumqayıt Dövlət Universiteti 55 illik yubileyi ərəfəsindədir. Yubileyə hazırlaşmaq üçün universitetdə hər cür şərait yaradılıb.

qanuninfo.az olaraq biz də başda Sumqayıt Dövlət Universitetinin rektoru, professor Elxan Hüseynov olmaqla, Universitetin bütün idarə heyyətini və tələbələri 55 illik yubileyi münasibəti ilə təbrik edirik.....

Sumqayıt Dövlət Universitetinin rektoru, professor Elxan Hüseynov - "Universitetimizdə təhsilin keyfiyyəti yüksəldilir, ixtisas fənləri üzrə elmi dərəcəsi olan müəllimlərə üstünlük verilir, tədris zamanı müasir təlim texnologiyalarından istifadə olunur. 2017-2018-ci tədris ilində SDU-da tələbə qəbulu planı 85 faizdən artıq yerinə yetirilib, bu da ötən illərlə müqayisədə uğurlu göstəricidir. Əldə olunan nailiyyətlər Sumqayıt şəhərinin kadr potensialının formalaşmasına öz müsbət təsirini göstərir. Sumqayıt şəhərinin yeganə ali təhsil müəssisəsi olan Sumqayıt Dövlət Universiteti yarandığı dövrdən günümüzə qədər bir çox beynəlxalq layihələrə imza atmış, xarici universitetlərlə əlaqələrinin gücləndirilməsinə xüsusi diqqət yetirmiş, müəllim-tələbə mübadiləsi, birgə elmi-tədqiqatlar aparılması, beynəlxalq konfrans və konqresdə, təhsil proqramlarında iştirak etməklə tarixi uğurlara imza atmışdır.”



Tarix və coğrafiya fakültəsində yeni tədris ili ilə əlaqədar hazırlıq işləri görülüb, 238 saylı yeni auditoriya, "Vətən tarixi” və "Ümumi tarix” fənn kabinetləri yaradılıb, fakültənin tanıtım video-çarxı hazırlanıb. Eyni mənzərə Mühəndislik fakültəsin də də aparılıb. İnformasiya və kompüter texnikası kafedrasının 205 saylı laboratoriyasında, Proseslərin avtomatlaşdırılması kafedrasının 111 və 113 saylı laboratoriyalarında, fakültəyə aid dəhlizdə, dekanlıqda təmir işləri aparılıb və foyede universitet haqqında məlumat lövhəsi yerləşdirilib. Mətbuat xidmətinin rəhbəri onu da bildirib ki, əsaslı təmirdən çıxmış geniş idman zalında da yenidənqurma işləri uğurla aparılıb: "Hazırda universitetin əsas tədris binasının üzlənməsi və yeni görkəm alması istiqamətində böyük işlər gedir. Bütün auditoriya və laboratoriyalar, kabinet və mərkəzlər bu məqsədlə ən müasir avadanlıqlar və İKT ilə təchiz olunub. Universitetin 55 illik yubileyinə həsr olunmuş silsilə tədbirlər, iməcliklər davam etdiriləcək.”



" İqtisadiyyat və idarəetmə fakültəsində 410 saylı auditoriya İqtisadiyyat kafedrasının yeni ixtisaslaşmış otağı kimi yaradılıb, Kimya və biologiya fakültəsində auditoriyalar, laboratoriyalar və dəhliz video kamera ilə təchiz olunub, Filologiya fakültəsinin tədris binasında əsaslı təmir işləri aparılıb və iki kabinet yaradılıb. Fizika və elektroenergetika fakültəsinin kafedralarında fəaliyyət göstərən bütün laboratoriyalar təmir olunub. Yeni yaradılacaq laboratoriyalarda isə təmir işləri davam edir. Elektromexanika kafedrasında bütün laboratoriyalar bu il təmir olunub, iki- Elektrik maşınları və Elektrik aparatları fənləri üzrə yeni, müasir avadanlıqlarla təmin olunmuş stendlər hazırlanıb. Bu iş davam etdirilərək iki laboratoriyada tədris ilinin sonunadək bütün stendlərin yenilənməsi nəzərdə tutulur. Bərk cisim və yarımkeçiricilər fizikası kafedrasında iki, Fizika və onun tədrisi metodikası kafedarsının da iki laboratoriyasında təmir işləri tamamlanmaq üzrədir.

Sumqayıt Dövlət Universitetinin rektoru professor Elxan Hüseynov dövlətimizə və rəhbərliyə sədaqət nümunəsidir!

Hər bir insanın həyat yolunu onun mənəvi dünyası, xarakteri müəyyən edir. Bəşər övladının mahiyyəti, mənəvi keyfiyyətləri həqiqətən də onun əməllərində, fəaliyyətində real təcəssümünü tapır. Dərk edilmiş məsuliyyətdən irəli gələn bu fəaliyyət həm də şəxsiyyət ucalığına qovuşmuş bu insanların cəmiyyətdəki layiqli mövqeyini, ictimai statusunu müəyyənləşdirir. Yəqin elə buna görədir ki, xeyirxah və alicənab insan kimi tanınaraq ömrün kamillik zirvəsinə yetişmək, bu dünyada iz qoymaq xoşbəxtliyi heç də hamıya nəsib olmur. Yaxşıya yaxşı demək vicdan borcudur. İstər vəzifə sahibi olsun, istərsədə sıravi, sadə vətəndaş. Mən bu gün bu iki vəhtədi özündə birləşdirən bir azərbaycanlıdan söhbət açacam. O azərbaycanlı ki, ömrünü sadiqliyə və zəhmətə kökləyib, işində yorulmaz rəhbərdir. Bu şəxs kimidir? Bu şəxs Sumqayıt Dövlət Universitetinin rektoru professor Elxan Hüseynovdur. Bu insanı hər kəs tanıyır. Hər kəs onuda bilir ki, problemləri ilə qəbuluna gələn tələbələrə yardımçı olmağı özünə borc bilən bir vəzifə sahibidir Elxan Hüseynov. Bu insan, O qədər məsuliyyətli və diqqətçildir ki, vəzifəsi ağır və məsuliyyətli olmağına baxmayaraq, əlindən gələni əsirgəmir.

İnsan öz əqidəsini elan kimi divardan asmamalıdır. Sumqayıt Dövlət Universitetinin rektoru Elxan Hüseynovu tanıyanlar tanıyır, tanımayanlar üçün ərz edim ki, o vətəni, dövləti, xalqı uğrunda qan, dostu uğrunda qöz yaşı, ailəsi uğrunda tər tökən əqidə adamıdır.

Sumqayıt Dövlət Universitetinin rektoru professor Elxan Hüseynov Ulu Öndər Heydər Əliyevin siyasi kursuna daim sadiqdir. Bu gün də cənab prezident İlham Əliyevin sadiq vəzifə sahiblərindən biridir. Heç bir təmanna güdmədən, tutduğu vəzifədən asılı olmayaraq, vəzifədə olub-olmamasından asılı olmayaraq prezident İlham Əliyevə, dövlətə və dövlətçiliyimizə sabit, stabil, sadiq adamdır.

Heç bir qüvvə Elxan Hüseynovu heç vaxt əqidəsindən döndərə bilməz.

Sumqayıt Dövlət Universitetinin rektoru, professor Elxan Hüseynov - vəzifəsini vicdanla yerinə yetirən, təmsilçisi olduğu dövlətin, hakimiyyətin, xalqın və prezidentin etimadını yüksək səviyyədə doğrulda bilən insandır.

Sumqayıt Dövlət Universitetinin rektoru, professor Elxan Hüseynovun adı, Sumqayıt ictimaiyyətinə bəlli bir addır. Xoşbəxt o şəxsdir ki, onu geniş ictimai auditoriya daşıdığı vəzifəsinin öhdəsindən layiqincə gəlmək bacarığına, xeyirxah əməllərinə, ziyalılığına, yaradıcılıq qabiliyyətinin göstəricilərinə və.s-yə görə tanıyıb hüsnü-rəğbət bəsləyirlər..

Elxan Hüseynov yüksək insanlığı ilə seçilən bir insan və Sumqayıt Dövlət Universitetinin rektorudur! Elxan Hüseynov vəzifəyə gəldiyi gündən görülən işlərin siyahısına nəzər salanda həyata keçirilən genişmiqyaslı işlərin bariz nümunəsini görmək olar.



Universitetin son bir ilinə nəzər salsaq görərik ki, fəaliyyətimizdə ürəkaçan yeniliklər baş vermişdir. Qazanılan nailiyyətlərin kökündə isə elmimizə, təhsilimizə göstərilən dövlət qayğısı durur. Xalqımızın əbədiyaşar oğlu, dahi şəxsiyyət Heydər Əliyev bütün dövrlərdə bu sahənin inkişafına daim diqqət yetirmiş, milli kadr hazırlığına böyük önəm vermişdir. SDU-da təhsil sisteminin informasiyalaşdırılması istiqamətində də ciddi işlər görülür. Sürətli internet şəbəkəsinə qoşulma imkanı tələbə və müəllimlərin tədrisin prosesində yeni texnologiyalarla təhsil almasına, normativləşməsinə şərait yaradır. Tədris laboratoriyalarının modernləşdirilməsi “LABVieW” proqramı ilə işləyən laboratoriyalar təşkil olunmuşdur.
Tədrisin keyfiyyətinin qaldırılması üçün kitabxananın müasir səviyyədə qurulması və zənginləşdirilməsi də olduqca vacibdir. Son dövr ərzində respublika milli kitabxanasından və digər qurumlardan 3000-nə yaxın dərs vəsaiti, monoqrafiyalar alınmışdır. Hazırda isə elektron kitabxana sistemi yaradılmaqdadır. Gələcəkdə elektron kitabxanaların mərkəzləşdirilməsi də nəzərdə tutulur.

Fəxrlə deyə bilərik ki, bu gün respublikamızda təhsilin, elmin inkişafı üçün geniş maddi-intellektual resurslar mövcuddur. Bundan səmərəli istifadə isə ölkə rəhbərinin müəyyənləşdirdiyi başlıca prioritetlərdən biridir. SDU-nun çoxsaylı professor-müəllim heyəti ürəkdən inanır ki, Azərbaycan xalqını firavan gələcəyə aparan bu siyasət nəticəsində milli kadr hazrlayan universitetimiz nüfuzlu ali məktəblərdən birinə çevriləcəkdir.