Meymunçiçəyinə yoluxmalar artır: əksəriyyəti homoseksuallardır

Meymunçiçəyinə yoluxmalar artır: əksəriyyəti homoseksuallardır Avropada son altı gündə meymunçiçəyinə yoluxmaların sayı təxminən beş dəfə artıb.

Xarici KİV xəbər verir ki, Avropa Xəstəliklərin Qarşısının Alınması və Nəzarət Mərkəzinin (ECDC) məlumatına görə, halların əksəriyyətini homoseksual gənclər təşkil edir.

Meymunçiçəyi virusunun daim mövcud olduğu Afrika ölkələrindən kənarda 219 yoluxma hadisəsi olub. Virus ilk dəfə bu xəstəliyin endemik olduğu qərb və mərkəzi Afrika ölkələrinə səyahət etməyənlər arasında yayılır.

Cinsi oriyentasiyasından asılı olmayaraq bir neçə partnyoru olanların daha çox risk altında olduğu da qeyd edilib.

Bu ayın əvvəlində meymun xəstəliyinin ilk dəfə görüldüyü İngiltərədə 71 xəstə, İspaniyada 51, Portuqaliyada 37, Kanadada 15 və ABŞ-da 9 xəstə aşkarlanıb. ECDC yoluxma riskinin "çox aşağı" olduğunu qeyd etsə də, təkcə Avropa İttifaqında yoluxma hallarının sayı mayın 20-dən bəri təxminən 5 dəfə artıb.

Xəstəliyin “yüngül” simptomlarla keçdiyi qeyd edilsə də, hələlik ölüm faktı qeydə alınmayıb.

Oxşar xəbərlər