“Azərbaycan 44 gün Vətən müharibəsi apardı. Artıq dünya mətbuatında dünya hərbi ekspertləri Azərbaycanın nailiyyəti barədə fikir mübadiləsi aparırlar. Ermənistan Ordusu 10 noyabrda prezidentə olan müəyyən xahişlər nəticəsində bəyanat imzalandı”.
Bunu Milli Məclisin bu gün keçirilən iclasında millət vəkili Vahid Əhmədov deyib.

Onun sözlərinə görə, Ermənistanın faktiki olaraq ərazilərdən çəkilməsi barədə faktlar bəyanatda öz əksini tapdı. “Status-kvonun bəyanatda olmaması bizim üçün çox əhəmiyyətlidir. Azərbaycanın Rusiyadakı səfiri hansısa ststusdan söhbət edir. Elə bil Rusiyanın xarici işlər nazirini əvəz edir. Bu insanlar özü istefa edib getməlidir. Bütün dövlət məmurları Prezidentin statusla bağlı çıxışını nəzərə almalıdır. Bu bəyanatda müsbət məqamlar çoxdur. Bu 44 gündə biizmlə birlikdə olduğu üçün Türkiyəyə, Türkiyə Prezidentinə, Pakistana və yanımızda olan bütün ölkələrə, ölkə başçılarına təşəkkürümü bildirirəm”.