Ağ Evin rəsmi nümayəndəsi, ABŞ prezidentinin ticarət məsələləri üzrə köməkçisi Piter Navarro CNN telekanalına müsahibə verib.

Xarici KİV xəbər verir ki, o, Ağ Evin pandemiyanın ikinci dalğasına hazırlaşdığını deyib.

“Əlbəttə. Biz koronavirusun ikinci dalğasına hazırlaşırıq. Bunun mütləq baş verəcəyini demirəm amma hazırlıq işləri görülür”-Bdeyə Navarro söyləyib.

Piter Navarro pandemiyanın arxasında Çin hökumətinin olması fikrini də bir daha təkrarlayıb.

“Çin bu virusu yaradıb. Və yüzminlərlə Çin vətəndaşını xaricə göndərərək dünyada yayıblar”.

Navarro Çinin virusu qəsdən yayıb-yaymamasının sual altında olduğunu da dilə gətirib. /Modern.az/