ABŞ Prezidenti Donald Tram İran kəşfiyyatı tərəfindən ABŞ-ın Mərkəzi Kəşfiyyat İdarəsinin (CİA) 17 əməkdaşının casus olaraq tutulması barədə yayılan xəbərə sərt reaksiya verib.

APA “DHA” agentliyinə istinadla xəbər verir ki, Tramp tvitter səhifəsində İranın “CIA”-ya aid 17 casus tutması xəbərinin tamamilə saxta olduğunu bildirib.

O qeyd edib ki, bu xəbərin dəqiqliyi sıfıra bərabərdir. İran tamamilə qarışıqlıq içində olduğunu vurğulayan ABŞ prezidenti islam respublikasının iqtisadiyyatının daha da pis olacağını yazıb.

Qeyd edək ki, bu arada ABŞ Dövlət katibi Mayk Pompeo da İran rejimini yalançılıqda günahlandırıb.