ABŞ rəsmi Ankaranın Rusiyadan “S-400” zenit-raket kompleksini satın alma qərarı ilə əlaqədar Türkiyədən F-35 qırıcıları üçün pilotların təlimlərə qəbul edilməməsi barədə qərar verib.

“Qafqazinfo”nun “Röyters”ə istinadən verdiyi xəbərə görə, qərar hazırda ABŞ-da olan pilotlara deyil, Arizona ştatında yerləşən “Lyuk” aviabazasında təlimə qoşulmaq istəyənlərə şamil olunub.

Məlumata görə, hazırda “Lyuk” aviabazasında 4 türkiyəli pilot təlim görür. Türkiyədən olan daha iki pilot isə təlimatçı olaraq fəaliyyət göstərir.

Eyni zamanda, aviabazada 20 Türkiyə vətəndaşı var ki, onlar da hərbi təyyarələrin istismarına məsuliyyət daşıyır, amerikalı mütəxəssislərin rəhbərliyi altında təlim keçirlər.