Elə insanlar var ki, onların həyatı, fəaliyyəti elinə, xalqına, vətəninə xidmətə həsr olunur. Müdriklər demişkən, "xalq üçün, vətən üçün yaşanan ömür əsl insan ömrüdür". Belə insanların ömrü çətin, mənalı və şərəfli olur, başı həmişə el içində uca olur. Onlar öz xoşbəxtliyini, səadətini, varlığını vətənə, xalqa ləyaqətlə xidmətdə görür. Belə insanlar öz xalqının, millətinin mənəvi siması, genefondudur desək səhv etmərik. Tam məsuliyyət və qürurla deyə bilərik ki, belə insanlardan biri də sözün həqiqi mənasında, gözəl insan, 1 saylı Bakı Tibb Kollecinin direktoru Nəriman Mövsümovdur.

Mətbuatdan anlayışı olmayan və şər-böhtanla məşğul olan insanlar düşünmürlər ki, bir şəxs barədə fakta əsaslanmadan yalan və şantaj xarakterli xəbər yazmaq şərəfsizlikdir? 1 saylı Bakı Tibb Kollecinin direktoru Nəriman Mövsümovun nüfuzuna xələl gətirməyə çalışan, şəxsi həyatına müdaxilə edən və fakta əsaslanmadan şantaj xarakterli məlumatlar yazan bu saytların çirkin əməlləri niyə ifşa edilmir? Araşdırma zamanı məlum olub ki, həmin saytlar bəzi vəzifəli adamların sifarişi ilə tənqidi yazılar hazırlayaraq Nəriman Mövsümovu nüfuzdan salmağa çalışırlar.

Məlumdur ki, 1 saylı Bakı Tibb Kollecinin direktoru Nəriman Mövsümovun barədə son vaxtlar şantaj xarakterli məlumatlar yayan şəxslərin əslində başqa niyyəti var. Çünki, onun barəsində qərəzli yazıların hamısında təkcə Nəriman Mövsümov deyil, həm də "Azərbaycan digər Kollecin direktorlarıda hədəf seçilib. Bu yüksək vəzifəli şəxs barədə yalan dolu məlumatlar yazan saytların çirkli yollarla pul qazanmaq niyyəti məlum olub. Həmin saytlar ifşa olunub və yazılar saytlardan silinib. Amma həmin yazıları hazırlayan insanlar düşünməlidilər ki, uzun illər dövlətçiliyə sədaqətlə xidmət edən və yüksək vəzifələrdə çalışan Nəriman Mövsümovu şantaj yolu ilə ləkələyib gözdən sala bilməyəcəklər.

Azərbaycanda xalqın sağlamlığı istiqamətində əvəzedilməz rolu olan, xalqın təfəkküründə bu gün də 1 nömrəli Bakı Tibb Məktəb kimi yaşayan, vətənə on minlərlə layiqli kadrlar verən 1 nömrəli Bakı Tibb Kolleci hər zaman öz şöhrətinin zirvəsində dayanaraq tibb təhsil islahatlarını uğurla tətbiq edən yüksək səviyyəli tibb ocagıdır. Qocaman tibb ocağı fəaliyyət göstərdiyi illər ərzində on minlərlə orta təhsilli tibb işcisi yetişdirib. Kollec bu gün də öz tarixi missiyasını uğurla həyata keçirərək ölkənin ümumtəhsil məktəbləri üçün müasir təhsil texnologiyalarına yiyələnmiş orta tətsilli tibb işciləri hazırlayır.

2010-cu il 16 iyun tarixindən məktəb kollec adlandırılır. Bakı 1 nömrəli Bakı Tibb Kolleci hüquqi formasına görə dövlət orta ixtisas təhsilli kollecdir. Onun təsisçisi Azərbaycan Respublikası Səhiyyə Nazirliyidir.

Kollecə Nəriman Mövsümov rəhbərlik edir . İş görmək potensialını ortaya qoya bilən, barmaqla sayılacaq insanlardanda biri də Nəriman müəllimdir. Bu illərdə Nəriman müəllim özünü tibbi pedaqoji aləmdə bacarıqlı və işgüzar tibbi təhsil işçisi kimi göstərmiş,vəzifəsinin icrasında təlim prosesinin təşkili və maddi-texniki bazanın genişləndirilməsinə xüsusi diqqət yetirmişdir. Rəhbərlik etdiyi tədris müəssisəsində təlim prosesinin təşkilində müntəzəm olaraq yenilikçi ideyaların tətbiqi ilə seçilmişdir.
Yeni tədris metodlarının hazırlanması, eksperimentlərin, təcrübələrin keçirilməsi, əldə edilən nəticələrin kollec daxilində və respublika orta ixtisas tibb məktəbləri arasında yayılması sahəsində onun şəxsi təcrübəsi və təşəbbüsü pedaqoji ictimaiyyət tərəfindən yüksək qiymətləndirilir. Onun rəhbərlik etdiyi tibb ocağı tibbi təhsil islahatlarının önündə gedir.

Kollecin tədris otaqlarında nəzəri və təcrübə dərsləri keçirilir. Bununla yanaşı kliniki fənlərdən təcrübə dərsləri xəstəxana və poliklinikalarda keçirilir.
Kabinet və laboratoriyalar lazımi avadanlıqlarla təchiz olunub.

Kollecin binasında həmçinin mühasibatlıq, inzibati və xidməti otaqlar mövcuddur. Kollecdə kompüter otağı, geniş idman və akt zalı, kitabxana tələbələrin ixtiyarındadır. Kollecin maddi-texniki bazası lazımı normalara və standartlara cavab verir.
Bu gün kollecimiz lazımi avadanlıqlarla, əyani vəsaitlərlə təhciz olunmuş, təcrübə otaqları, geniş informatika otağı, yeməkxana, dünya standartlarına cavab verən idman zalı, idman meydançası, zəngin kitabxana, tibb məntəqəsi ilə müəllim və tələbələrin ixtiyarına verilib.