Ötən gün axşam saatlarında mediaya sızdırılan "Xiaomi Mi 7"nin görüntüsü telefonun parametrlərini də işıq üzünə çıxarıb.
AZTB.info xarici mətbuata istinadən xəbər verir ki, "Mi 7"də 18:9 miqyaslı, 1080x2160 görüntü imkanlı və 5,6 inç böyüklüyündə ekran olacaq.

Snapdragon 845 prosessoru ilə təqdim ediləcək telefonda qrafika prosessoru Adreno 630 CPU-dur. Mi 7 8GB RAM, 128GB daxili yaddaşla təchiz edilib.
Arxa tərəfində iki ədəd 16 meqapiksellik kamerası olan smartfon 4480mAh gücündə batareyaya sahibdir. Mi 7-nin təqdimat tarixi haqqında hələ ki, dəqiq məlumat olmasa da, onun ictimaiyyətə Mobile World Congress 2018-də təqdim olunması gözlənilir. Sızdırılan xüsusiyyətləri doğrudursa, "Galaxy S9" ve "Mi 7" arasındakı rəqabət MWC 2018-in ən çox danışılan mövzusu olacaq.