Rusiyada yaşayan azərbaycanlı iş adamı AST Telman axtarışa verilə bilər"Ölkə.Az" xəbər verir ki, İsmayılov Rusiya cinayət məcəlləsinin 5 maddəsi üzrə istintaqa cəlb ediləcək.
Çerkizov bazarının sabiq sahibi Telmana yaxın günlərdə cinayət qruplaşması yaratmaq və bir sıra qətllərə görə cinayət işi açılacaq. Bu cinayətlər arasında Lianozovsk bazarının yandırılması da var. İş üzrə materiallar Rusiya İstintaq Komitəsinə təqdim edilib.
Hüquq-mühafizə orqanları bildirir ki, AST Telman haqqında mütəşəkkil cinayət qruplaşması yaratmaq, qətl, qanunsuz silah saxlamaq, qanunsuz bank fəaliyyəti və yanğın törətmə maddələri üzrə istintaq aparılır. Materiallara əsasən, cinayətkar qruplaşmaya İsmayılovlar ailəsinin üzvləri rəhbərlik edib. Ailə üzvləri iki nəfərin qətlində və qanunsuz silah gəzdirmədə ittiham edilir. Bununla yanaşı İsmayılovlar ailəsi daha 3 nəfərin ölümündə və məqsədli şəkildə başqa şəxsin əmlakını yandıraraq məhv etməkdə ittiham edilirlər.
Mənbənin "Rosbalt" agentliyinə verdiyi məlumata əsasən, reallıqda isə İsmayılovların qətlə yetirdiyi insanların sayı 10-u ötüb. Telmanın qardaşı Rafiq İsmayılovun sağ əli Harri Belotserkovskiy istintaqa aktiv şəkildə ifadə verir. Əməliyyatçıların fikrinə əsasən, Rafiq İsmayılov ailənin silahlı əməliyyalatlarını həyata keçirib və kriminal aləmlə əlaqə qurub.
(Rafiq İsmayılov)
Harrinin verdiyi ifadədə ilk dəfə Telman İsmayılovun adı hallanıb. Beloserkovskinin ifadəsinə əsasən, 2000-ci ildə Rafiq İsmayılov ilə "Praqa" restoranına gedib və onun Telmanla olan söhbətinə şahid olub. Söhbət zamanı qardaşlar Andrey Lobanov adlı iş adamı və avtoritetin dərhal məhv edilməsini müzakirə ediblər.
2000-ci ilin dekabr ayında Rafiqin iki silahlı adamı Lobanov və onun mühafizəçisinə atəş açıblar. Açılan atəş nəticəsində Lobanov həlak olub, cangüdəni isə ağır xəsarət alıb.
İki nəfər arasında münaqişəyə səbəb isə paytaxtda topdan satış bazarlarına nəzarət üstündə olub. 1990-cı illərin sonunda İsmayılovlar ailəsi Şimal administrativ dairəsindəki gəlirli obyektlərə göz qoyub. Söhbət Lianozovsk bazarı, Qərbi Dequnino bazarı və bir neçə ticarət mərkəzindən gedir.
İsmayılovların iddiası boş yerə deyildi. Onlardan biri, Fazil 1991-ci ildən Sokol rayonunda rəhbər vəzifə tutub, bu vaxta qədər izə geniş bizneslə məşğul olub.
Amma İsmayılovların maraqlandığı obyektlər əsasən "koptevsk" qruplaşmasının nümayəndələrinə məxsus olub və onlar gəlirlərini bölüşmək istəməyiblər. Qruplaşmanın lideri Andrey Lobanov və İsmayılovlar ailəsi arasında münaqişə avtoritetin ölümü ilə nəticələndi.
Əməliyyatçıların məlumatına əsasən, bu qətldən sonra İsmayılovlar Lobanovun vəliəhdləri ilə müharibəyə başladılar. 5 il ərzində ən azı 7 avtoritet qətlə yetirilib. Lianozovsk bazarının 2005-ci ilin oktyabr ayında yandırılması bu müharibənin əsas akordu olub. İstintaq versiyasına əsasən bu, İsmayılovlar ailəsinin əmri ilə olub. Yanğın minlərlə kvadrat metr ərazini əhatə edib. Yanğını söndürmək üçün isə 25 yanğınsöndürən maşın cəlb edilmişdi.
"Koptevsk" qruplaşması və onlara bağlı iş adamları Telmanın iddiaları ilə razılaşmaq və ailə ilə əməkdaşlığa məcbur oldular.
İsmayılovlar bütün obyektləri satdılar və razılaşma şərtlərinə əsasən gəlirin bir hissəsini şəriklərinə verməli idilər. Məsələn, iş adamı Vladimir Savkinin hissəsi 5.5 milyon dollar idi. Amma ona "atdılar".
Savkin ailəyə borc barədə xəbər verdi və əsasən Rafiqlə əlaqə qurdu. İş adamı ciddi-cəhdlə pulu tələb edəndə onu görüşə çağırıb detalları müzakirə etməyə dəvət etdilər. 2016-cı ilin may ayında Savkin və onun tanışı Yuriy Brilyovu güllələyərək qətlə yetirdilər. Cinayət işi qaldırıldı və bu zaman İsmayılovlar ailəsinin bütün çirkin işləri üzə çıxdı.
Rafiq İsmayılov saxlanılıb. Onun qardaşı, Rusiya Daxili İşlər Nazirliyində vaxtilə yüksək vəzifə tutan Vaqif axarışa verilib.
(Vaqif İsmayılov)
Bu həftə Telmanın ev və koteclərində axtarış aparılıb. Təkcə Telman yox, onun övladları da cinayət məsuliyyətinə cəlb ediləcək...
(Telman İsmayılovun övladları)
