I Azərbaycan Beynəlxalq İnvestisiya Forumu çərçivəsində Azərbaycan İnvestisiya Holdinqi və İpək Yolu Fondu arasında birgə investisiya fondunun yaradılması barədə ilkin saziş imzalanıb.

APA xəbər verir ki, sənədi Azərbaycan İnvestisiya Holdinqinin baş icraçı direktoru Ruslan Əlixanov və Silk Road Fund Co., Ltd-in idarəedici direktoru Den Cinxua imzalayıblar.

Yeni yaradılacaq fond Azərbaycan iqtisadiyyatının şaxələndirilməsi, strateji layihələrin maliyyələşdirilməsi baxımından xüsusi əhəmiyyət kəsb edəcək.