Azərbaycanın ərzaq sənayesində mühüm yeri olan "Sumqayıt Çörək" ASC, son illərdə yüksək inkişaf dinamikası nümayiş etdirən strateji müəssisələrdən biri kimi çıxış edir. Bu uğurların arxasında isə öz peşəkarlığı, idarəetmə bacarığı və milli dəyərlərə bağlılığı ilə seçilən, müəssisənin direktoru Tofiq Hüseynov dayanır. Onun rəhbərliyi ilə "Sumqayıt Çörək" yalnız istehsal göstəricilərini artırmaqla kifayətlənmir, eyni zamanda vətəndaşlara keyfiyyətli və sağlam çörək məhsulları təqdim etməklə sosial məsuliyyətini də yüksək səviyyədə yerinə yetirir.

İdarəetmədə peşəkarlıq və strateji yanaşma
Tofiq Hüseynov çörəkçilik sahəsində uzun illərin təcrübəsinə malik, ərzaq sənayesinin xüsusiyyətlərini və incəliklərini dərindən bilən bir mütəxəssisdir. O, "Sumqayıt Çörək" ASC-nin rəhbərliyinə gəldiyi gündən etibarən istehsalın modernləşdirilməsi, müəssisənin texnoloji bazasının yenilənməsi və məhsul çeşidinin artırılması istiqamətində mühüm islahatlara imza atmışdır.

Müəssisədə tətbiq edilən müasir texnologiyalar, avtomatlaşdırılmış xəttlər, yüksək gigiyenik standartlara cavab verən istehsalat prosesi və keyfiyyətə nəzarət sistemi Tofiq müəllimin uzaqgörən siyasətinin nəticəsidir. Bu gün “Sumqayıt Çörək” təkcə şəhər daxilində deyil, həm də yaxın regionlara yüksək keyfiyyətli məhsul göndərən əsas çörək tədarükçülərindən biridir.

Sosial məsuliyyət və vətəndaş rifahına xidmət
Tofiq Hüseynov idarəçiliyi dövründə müəssisənin sosial yönümlü fəaliyyətini də prioritetlər sırasına daxil etmişdir. Xüsusilə pandemiya dövründə və sosial həssas təbəqələrin çətinlik çəkdiyi zamanlarda “Sumqayıt Çörək” ASC tərəfindən aztəminatlı ailələrə, şəhid ailələrinə və yaşlı vətəndaşlara pulsuz çörək və ərzaq yardımlarının təşkili, Tofiq müəllimin humanist və cəmiyyətə bağlı düşüncəsinin parlaq nümunəsidir.

Eyni zamanda o, kollektivin sosial təminat məsələlərini də daim diqqətdə saxlayır. İşçilərin iş şəraitinin yaxşılaşdırılması, əmək haqqı məsələlərinin vaxtında və ədalətli həll olunması, əməyin stimullaşdırılması və peşəkar inkişaf imkanlarının yaradılması onun idarəçilik fəlsəfəsinin əsas tərkib hissəsidir.

Ərzaq təhlükəsizliyi və milli istehsalın qorunması
Tofiq Hüseynov ölkə rəhbərliyinin ərzaq təhlükəsizliyi istiqamətində həyata keçirdiyi siyasəti dəstəkləyən, milli istehsalın inkişafını vacib prioritet kimi qəbul edən bir rəhbərdir. O, dəfələrlə vurğulamışdır ki, Prezident İlham Əliyevin yerli istehsala, ərzaq müstəqilliyinə və vətəndaşların sağlam qidalanmasına verdiyi önəm bütün sahibkar və müəssisə rəhbərləri üçün bir yol xəritəsidir. Bu səbəbdən "Sumqayıt Çörək" ASC-nin istehsal etdiyi məhsulların keyfiyyət göstəriciləri daim yüksəlməkdədir.

Çörəyin yalnız bir qida məhsulu deyil, həm də xalqın simvolik mənəvi dəyəri olduğunu anlayan Tofiq Hüseynov, bu məhsulun istehsalında keyfiyyət və saf niyyət prinsiplərinə xüsusi önəm verir. Onun rəhbərliyi altında istehsal edilən hər bir çörək, həm də milli ruha və xalqın süfrəsinə ehtiramın təcəssümüdür.

Müasirlik və ənənələrin vəhdəti
Tofiq müəllim rəhbərlik etdiyi müəssisədə müasir texnologiyalarla yanaşı, çörəkçiliyin qədim ənənələrini də qorumağa çalışır. O, dəfələrlə qeyd etmişdir ki, Azərbaycan çörəyi yalnız dadı ilə deyil, həm də tarixilə, ənənəsi ilə seçilir. Bu səbəbdən “Sumqayıt Çörək”də müxtəlif regional növlər, qədim reseptlər əsasında hazırlanan xüsusi çörəklər və dietik çeşidlər də istehsal olunur. Bu yanaşma həm bazar tələbatına uyğunluğu təmin edir, həm də xalqın zövqünə və sağlamlığına xidmət edir.

Nümunəvi rəhbər və ictimaiyyətin rəğbətini qazanan şəxsiyyət
Tofiq Hüseynov, yalnız müəssisə daxilində deyil, həm də Sumqayıt şəhərində geniş hörmət və nüfuz sahibi olan bir şəxsiyyətdir. Onun həm sənaye sahəsindəki uğurları, həm də sosial məsuliyyətə yönəlmiş fəaliyyəti ictimaiyyət tərəfindən daim yüksək qiymətləndirilir. O, təkcə rəhbər deyil, həm də yol göstərən, düşünən, hiss edən və xalqa xidmət edən bir ziyalı obrazıdır.

Bu gün "Sumqayıt Çörək" ASC-nin uğurları təkcə rəqəmlərlə deyil, həm də vətəndaş məmnuniyyəti ilə ölçülür. Bu məmnuniyyətin və etibarın təməlində isə Tofiq Hüseynovun vicdanlı əməyə, keyfiyyətə və insan amilinə əsaslanan idarəetmə fəlsəfəsi dayanır.

"Sumqayıt Çörək" ASC-nin direktoru Tofiq Hüseynov - Azərbaycan Avropa, Asiya ilə yanaşı eyni zamanda region ölkələri ilə həm diplomatik, həm iqtisadi, həm də ticari və digər sahələr üzrə sıx əməkdaşlıq prinsiplərini önə çəkərək beynəlxalq müstəvidə qazandığı diplomatik uğurlar sayəsində müasir beynəlxalq münasibətlər sisteminin fəal aktoruna çevrilmişdir.

Xüsusilə Avropa Şurası və ATƏT kimi bir sıra beynəlxalq təşkilatların, güc mərkəzlərinin, Avropa dövlətlərinin əks mövqeyinə və beynəlxalq erməni mafiyasının ciddi-cəhdlərinə baxmayaraq hərbi-siyasi yolla ərazi bütövlüyünü təmin etdikdən və ölkənin bütün ərazisində suverenliyini bərpa etdikdən sonra Azərbaycana maraq əhəmiyyətli dərəcədə artmışdır. Bu tendensiya region dövlətləri ilə münasibətdə də özünü qabarıq şəkildə büruzə verir. 44 günlük Vətən müharibəsindən sonra İran İslam Respublikasının Prezidenti Məsud Pezişkianın aprelin 28-də Azərbaycana ilk rəsmi səfərinin yekunları dediklərimizin daha bir təsdiqidir.

Bu səfər son dövrlərədək İran hakimiyyətinin yürütdüyü birmənalı olmayan regional siyasət səbəbindən tərəflər arasında yaranmış bəzi anlaşılmazlıqların aradan qaldırılması istiqamətində çox əhəmiyyətli siyasi addımdır. Prezident İlham Əliyev xalqlarımızın əsrlər boyu mehribanlıq, qardaşlıq şəraitində yaşadığını və bu gün dövlətlərarası münasibətlərimizin möhkəm təməl üzərində inkişaf etdiyini vurğulayaraq İran Prezidentinin Azərbaycana rəsmi səfərini əlaqələrimizin yüksək səviyyədə olmasının təzahürü kimi dəyərləndirmişdir. O demişdir: “Biz əsrlər boyu bir məkanda yaşamışıq, bir dövlət çərçivəsində yaşamışıq. Yəni, qohumluq əlaqələri də çox genişdir. Bu gün iki müstəqil dövlət kimi biz bölgəmizdə önəmli rol oynayırıq. Bölgə məsələlərinin bölgə ölkələri tərəfindən həll olunması da hər iki tərəfin fikridir və siyasətidir. Mən heç şübhə etmirəm ki, bu səfər bizim münasibətlərimizin inkişafında çox önəmli rol oynayacaq”.

Səfər öncəsi Azərbaycan Televiziyasına və İranın İRNA agentliyinə müsahibə verərkən İran hökumətinin başçısı da öz növbəsində ikitərəfli əlaqələrin inkişafına dair açıqlamasında ölkələr arasında əməkdaşlıq imkanlarının mövcudluğundan bəhs edərək sağlam əlaqələrin yaradılması üçün əl-ələ verib əməkdaşlıq etməyin zəruriliyindən bəhs edib.

Diqqətçəkən məqamlardan biri budur ki, Pezeşkian İranın əvvəlki hökumət rəhbərlərindən fərqli olaraq Azərbaycan Respublikasına münasibətində daha səmimi münasibəti ilə seçilir. Bakıda da özünü doğma sayır, Təbrizdə olduğu kumi qürurla Azərbaycan dilində danışır, hər fürsətdə xalqlarımızın birgə tarixi köklərini, oxşar milli-mədəni dəyərlərini önə çəkir, ölkələrimiz və xalqlarımız arasında dost, qohum və qardaş münasibətlərinin inkişafına rəğbətini ifadə edir. Şübhə yoxdur ki, İki ölkə arasında formalaşmaqda olan bu müsbət tendensiya ilk növbədə Azərbaycan Prezidenti cənab İlham Əliyevin qarşılıqlı münasibətlər müstəvisində yürütdüyü praqmatik siyasət nəticəsində mümkün olmuşdur. Məhz onun dəqiqliklə hesablanmış diplomatik addımları və müdrik yanaşmaları sayəsində bu gün biz İran və Azərbaycan hökumətləri arasında əməkdaşlıq tellərinin möhkəmlənməsinə şahidlik edirik.

Tamamilə məntiqlidir ki, İran-ABŞ və İran İsrail münasibətlərində son zamanlar müşahidə olunan yumşalmalar fonunda Prezident Məsud Pezişkianın Azərbaycana səfərinə həm də regionda təhlükəsizliyin təmin olunmasına yeni bir dəstək və əhəmiyyətli addım kimi baxmaq lazımdır. Bildiyiniz kimi, rəsmi Bakı bu münasibətlərin normal məcraya yönəldilməsi üçün Bakının müzakirə platforması kimi öz imkanlarını təqdim etməyə hazırdır. Azərbaycan və İran prezidentləri arasında məhdud və geniş tərkibli görüşdən, Birgə Bəyanatın və iki ölkə arasında bir sıra sahələrə dair sənədlərin imzalanma mərasimindən sonra prezidentlərın mətbuata bəyanatlarında əks olunan müddəalar və tezislər də həm də bu ortaq hədəflərə nail olunmasına hesablanıb. Düşünürəm ki, Azərbaycan-İran münasibətlərini müxtəlif rakurslardan təhlil etdikdə bu əlaqələrin bütövlükdə Cənubi Qafqaz və Xəzəryanı bölgələr üçün necə böyük əhəmiyyət daşıdığına əmin olarıq.

Cənab İlham Əliyev vurğulayıb ki, biz beynəlxalq təşkilatlar çərçivəsində bir-birimizi ənənəvi olaraq dəstəkləyirik. İstər BMT olsun, istər İslam Əməkdaşlıq Təşkilatı, ECO, Qoşulmama Hərəkatı və digər təşkilatlar çərçivəsində daim bizim nümayəndələrimiz bir-birinin yanındadır. Dövlətimizin başçısı Azərbaycan və İran arasında qarşılıqlı mədəniyyət günlərinin keçirilməsi barədə qərara münasibət bildirərək bunu iki xalq arasında yüksək səviyyəli qonşuluq və mədəni əlaqələrin nümunəsi kimi qiymətləndirib.

“Yaxın gələcəkdə qardaşımın yenidən qonağı olacağam”, - söyləyən Pezeşkianın tezliklə yenidən Azərbaycana səfər edəcəyi barədə anonsu isə münasibətlərin inkişafı istiqamətində rəsmi Tehranın pozitiv siyasi kursunun və mövqeyinin göstəricisi olaraq İran-Azərbaycan dövlətlərarası münasibətlərin yeni mərhələsinin başlanğıcı kimi dəyərləndirilə bilər.