09 mart 2024-cü il tarixində Azərbaycan Metal İşçiləri Həmkarlar İttifaqı Federasiyasının Prezidenti, Beynəlxalq Avrasiya Metal İşçiləri Federasiyasının vitse-prezidenti Bəkir Yusifov Beynəlxalq Avrasiya Metal İşçiləri Federasiyası (UAMİF) Türkiyənin Ankara şəhərində Anadolu Hotels Esenboğa Thermal oteldə keçirilmiş Mərkəzi Komitəsinin 57-ci iclasında iştirak etmişdir.
UAMİF Mərkəzi Komitəsinin 57-ci iclası UAMİF-nin baş katibi Murat Saların açılış nitqi ilə başlayıb. Baş katib Murat Saların ardınca Uysal Altundağ salamlama nitqi söylədi. Uysal Altundağ çıxışında 2009-cu ildən Birliyinin və UAMİF-in sədri vəzifəsini icra edən Pevrul Kavlakın itkisindən dərin kədərləndiklərini bildirdi.
Uysal Altundağın çıxışından sonra MK üzvləri UAMİF-in və Birliyinin sədri olmuş Pevrul Kavlakın vəfatından təəssüfləndiklərini bildirib, başsağlığı veriblər.
UAMİF Mərkəzi Komitəsi və İcraiyyə Şurası üzvlərinin seçkilərinin keçirildiyi yığıncaqda Uysal Altundağ yekdilliklə UAMİF-in sədri (Prezidenti) seçildi.