Xərçəngdən əziyyət çəkən aktyorun xanımı: "42 ildir kirayədə qalırıq"

Xərçəngdən əziyyət çəkən aktyorun xanımı: Xərçəngdən əziyyət çəkən Əməkdar artist Novruz Qartalın vəziyyəti ağırdır.

"Axşam.az xəbər verir ki, "Elgizlə izlə" proqramı aktyorun kirayə qaldığı evdə çəkiliş edib. N.Qartalın həyat yoldaşı Zərqələm Əliyeva onun xəstəliyindən danışıb:

"Ötən il insult keçirdi, şəkər oldu. İndi qarnı şişdi, getdik həkimə. Dedilər, gedin onkoloji mərkəzə. Apardıq, baxdılar, dedilər, təcili əməliyyat olunmalıdır. Evə gətirməyə qoymadılar. Səhəri gün əməliyyat olundu. Həkim dedi ki, ciyərlərinə aparat qoşulub.

55 ildir teatrda işləyir, can qoyur. Kirayədə yaşayırıq. 42 ildir evsizik. İndi də ev sahibi deyib ki, pis hadisə baş versə, evimə yas salmayın. Qalmışıq belə, necə edək? Bunun axırı necə olacaq? İstəyirəm, xəstəxanadan çıxanda öz evinə gəlsin".

Oxşar xəbərlər