Sabunçu Gənclər Evi və Gənclərin İnkişaf və Karyera Mərkəzinin birgə təşkilatçılığı ilə Qusar Olimpiya və İdman Kompleksində Nizami Gəncəvinin 880 illiyinə həsr olunmuş “Özünlə başla 4” yay məktəbi keçirilib.

“Özünlə başla 4” yay məktəbinin Sabunçu Gənclər Evi və Gənclərin İnkişaf və Karyera Mərkəzinin birgə təşkilatçılığı ilə 28 - 31 avqust tarixlərində keçirilib. Layihənin məqsədi gənclərin yay tətilinin səmərəli keçirilməsi, onların sosial və fərdi inkişafına keçirilən təlim və tədris proqramı ilə dəstək olmaq və aktiv və uğurlu gənclərin şəbələkəşməsinə zəmin yaratmaq olub.

700-ə yaxın gəncin müraciəti əsasında sosial aktiv, öz sahələrində uğurlar qazanmış, həmçinin şəhid, qazi və müharibə iştirakçılarının ailələrindən olan seçilmiş 24 gəncin iştirakı ilə baş tutan yay məktəbi rəngarəng proqramı ilə iştirakçıların səmərəli vaxt keçirmələri üçün planlaşdırılmışdı.

Layihə çərçivəsində komanda oyunları, “Zirvə” intellektual oyunu, “Komandam” oyunu, Skaut təlimləri, açıq havada film nümayişləri, Nizami irsinin öyrənilməsi ilə bağlı fəaliyyətlər, təlimçilər Kənan Bağırov, Gülşən Axundova və Şalan Novruzun təqdimatında “Gender problemi: Stereotiplər və Gənclik”, “Müsbət düşüncə və İnkişafımız”, “Liderlik və müsahibə”, “CV yazılması və müsahibə”, ”Komanda quruculuğu”, “Auditoriyada mən” mövzularında təlimlər keçirilib.