Bu il yay fəslinin Azərbaycana gəlmə vaxtı açıqlanıb.
APA xəbər verir ki, bu barədə AMEA Şamaxı Astrofizika Rəsədxanası məlumat yayıb. Məlumata əsasən, yaz fəsli iyunun 21-i Bakı vaxtı ilə saat 19:54-də yay fəsli ilə əvəzlənəcək.
Bu zaman Yerin fırlanma oxu Günəş istiqaməti ilə ən kiçik bucaq əmələ gətirəcək və ya Günəş həmin an üfüqdən maksimum hündürlükdə olacaq. Həmin an qısa gecə və uzun gündüz qeydə alınacaq.