İspaniya futbolunun veteranlarından biri, 37 yaşlı Arits Aduris La Liqa oyununda penalti zərbəsini orijinal şəkildə yerinə yetirib.
“Valyadolid”lə oyunda “Atletik”in futbolçusu 11-metrlik nöqtədə olan topa yaxınlaşaraq yalnız bir ayağını yerindən tərpədib və qol vurub.

Rəqib komandanın qolkiperi topun istiqamətini düz müəyyən etsə də, onu tuta bilməyib.
Aduris “Atletik”in heyətində 21-ci penalti zərbəsini dəqiq yerinə yetirib. Bu, 2012/2013 mövsümündən TOP-5 liqalarında çıxış edən ispaniyalı futbolçular arasında ən yaxşı nəticədir.