Ayaq üstə güclə dayanan baş həkim piyada yolunu belə qazanc mənbəyinə çevirib

Ölkə səhiyyəsinin hansı vəziyyətdə olduğunu deməyə gərək yoxdur. Çünki durum göz qabağındadır. Səhiyyə Nazirliyi ard-arda bəyanatlar versə də, xəstələrin həkim naşılığı üzündən ölüm halları durmadan artır. Bu azmış kimi, pulsuz olan səhiyyəmiz (kağız üzərində) təpədən-dırnağa qədər rüşvət və korrupsiyaya bulaşıb.
JAM.AZ «İrevan Press»ə istinadən xəbər verir ki, Nəsimi rayonunda fəaliyyət göstərən 20 saylı Poliklinikanın baş həkimi Tamerlan İsmayılov kürsünü əldən vermək fikrindən çox uzaqdır. Saytın yazdığına görə, baş həkim yaşıyla əlaqədar olaraq güclə yeriyir və oturduqdan sonra bir xeyli ayağa qalxa bilmir. «Baş həkimi bəzi hallarda işçiləri 4 tərəfli əlləri ilə qaldırıb ayaq üstə qoysalar da, o, yenə də müvazinəti itirir. T.İsmayılov hətta piyadaların səkisini də ələ keçirərək, pullu avtomobil dayanacağına çevirib. Əlbəttəki bu dayanacaqdan dövlətə 1 qəpikdə verilmir, yığılan pullar isə baş həkimin cibinə axır».
«İrəvan Press»in yazdığına görə, poliklinikanın vəziyyəti də ürəkaçan deyil. «Bu tibb müəssisəsində, demək olar ki, bütün xidmətlər təmənnalı şəkildə göstərilir. Aparılan müayinələr, yazılan müalicə prosedurası pulla həyata keçirilir. Yerindən güclə qalxan Tamerlan həkim hətta “ölü canlar” da saxlayır».
Məlumatda qeyd edilir ki, 20 saylı poliklinikada hər gün şıdırğı alver gedir. “Xəstəxanaya daxil olan vətəndaş, hələ qəbul məntəqəsindən soyulmağa başlayır. Texniki işçilər tərəfindən soyulan xəstənin həkimin qəbuna düşənədək elə yoldaca haləti bir az da pisləşir. Həkim isə xəstəni ümumiyyətlə “yataq rejiminə düçar edir”.
Daha sonra bildirilir ki, baş həkimin xeyir -duasi ilə nazirlik tərəfindən xəstələrə pulsuz verilməsi nəzərdə tutulan dərman preparatları gizlədilərək, «qara bazar»a çıxarılır. «Bütün bunlardan əlavə, baş həkim xəstələrə təqdim olunan bületen, 88 saylı forma və sağlamlıq haqqında arayışları əməlli- başlı alver preqmentinə çevirib. Hətta, bildirilir ki, bu poliklinikada əvvəlki tarixlərə də arayış almaq mümkündür. Əgər sadə arayışın qiyməti 20 manatdırsa, tarixləri dəyişdirilmiş, keçmişə və hətta gələcəyə yazılmış arayışların qiymətləri 60-80 manat arasında dəyişir».
Sayt sonda vurğulayır ki, Tamerlan İsmayılovun Səhiyyə Nazirliyində və digər dövlət qurumlarında yaxın adamları çalışır. «Məhz bu səbəbdəndir ki, o, istədiyi kimi fəaliyyətinə davam edir. Pensiya yaşı çoxdan çatmasına rəğmən, hələ də vəzifəsində qala bilir».
Qarşı tərəfin də mövqeyini dərc etməyə hazırıq.