“Türkiyədə ancaq Tarkanı seksual hesab edirəm”

Uşaq yaşlarından ailəsi ilə birgə Türkiyədə yaşayan azərbaycanlı aktrisa Nəsrin Cavadzadə “Hurriyet”ə müsahibə verib.

Şəxsi həyatıyla əlaqədar açıqlama verən məşhur xanım, sosial şəbəkə vasitəsilə kişilərin ona çılpaq şəkillər göndərdiyini deyib:

“Bu şəkilləri yığıram. Ağlıma dahiyanə bir fikir gəlib. İndi heç birini silmirəm, həmin şəkillərdən ibarət sərgi açacağam. Şəxsiyyətlərini də açıqlayacağam”.

Aktrisa “Siz Türkiyədə kimi seksual hesab edirsiniz?” sualına belə cavab verib:

“Türkiyədə Penelope Cruz və ya Eva Mendes kimi şəhvətli qadınlar görə bilmirəm. Bunun səbəbi hər halda həyatın ikiüzlü tərəfidir: içlərində olmasına baxmayaraq, o duyğuları ortaya çıxarmaqlarına icazə verilmir. Yenə də Türkiyədə bunu bacaran tək bir ad var: Tarkan”.

İndiyə qədər 20-yə yaxın mükafatın sahibi olan aktrisa Tarkanın bir klipində rol almaq üçün bütün mükafatlarını geri verə biləcəyini də deyib.