Facebook-un səhmləri ucuzlaşıb

Facebook təsisçisi Mark Zukerberq planetin ən zəngin insanlarının siyahısında dördüncü yerdə qərarlaşıb.

Bunu Bloomberg-də dərc edilən milyarderlərin gündəlik reytinqi də təsdiqləyib.

31 yaşlı sahibkarın sərvətinin həcmi fevral ayının 2-də Nyu-Yorkda satışlar bağlanılarkən 50 milyard dollara çatıb.

Beləliklə də Facebook təsisçisi beşinci və altıncı pillələrdə qərarlaşan “Amazon”un rəhbəri Ceff Bezosu (49,1 milyard dollar) və “Movil SAB”ın rəhbəri Karlos Slimi (49 milyard dollar) geridə qoyaraq dördüncü pilləyə yüksəlib.

Nyu-York fond birjasının məlumatına görə, Facebook səhmləri 0,4% ucuzlaşaraq 114,61 dollar olub. “Amazon”un səhmləri öz növbəsində 3,9% faiz (22,71 dollar) ucuzlaşaraq 552,1 dollar olub.

Zukerberq ilk beşlikdə ilin əvvəlindən sərvəti azalan deyil, artan yeganə milyarder olub.