Ağstafanın Qırılı, Dağ Kəsəmən, Həsənsu və Qıraq Kəsəmən kəndlərindən olan Vətən müharibəsi şəhidlərimizin şəhadətə ucalmasının ikinci ildönümləri qeyd olunub

Şəhidlərimizin ailələri ziyarət olunub, əziz xatirələri ehtiramla anılıb.

Emin Əmrahov 2020-ci il oktyabr ayının 27-də Vətən müharibəsi döyüşlərində şəhidlik zirvəsinə yüksəlib. Prezident İlham Əliyevin müvafiq Sərəncamlarına əsasən o, ölümündən sonra “Vətən uğrunda”, “Döyüşdə fərqlənməyə görə”, “Xocavəndin azad olunmasına görə” və “Qubadlının azad olunmasına görə” medalları ilə təltif edilib.

Rəvan Qəfərov 2020-ci il oktyabr ayının 29-da Vətən müharibəsi döyüşlərində şəhidlik zirvəsinə yüksəlib. Prezident İlham Əliyevin müvafiq Sərəncamlarına əsasən o, ölümündən sonra “Vətən uğrunda”, “Döyüşdə fərqlənməyə görə” və “Füzulinin azad olunmasına görə” medalları ilə təltif edilib.

Əfqan Səfərov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Füzuli və Qubadlının azadlığı uğrunda gedən döyüşlərdə könüllü olaraq savaşıb. Əfqan Səfərov oktyabrın 26-da Füzuli döyüşləri zamanı şəhid olub. Prezident İlham Əliyevin müvafiq Sərəncamlarına əsasən o, ölümündən sonra “Vətən uğrunda”, “Döyüşdə fərqlənməyə görə” və “Füzulinin azad olunmasına görə” medalları ilə təltif edilib.

Mahmud Namazov Ölkəmizin ərazi bütövlüyünün bərpa olunması üçün başlanan Vətən müharibəsində Silahlı Qüvvələrin kiçik çavuşu kimi Füzulinin işğaldan azad olunması uğrunda gedən döyüşlər zamanı şəhid olub. Şəhidimiz “Vətən uğrunda”, “Döyüşdə fərqlənməyə görə” və "Füzulinin azad olunmasına görə" medalları ilə təltif olunub.

Qırılı və Pirili kəndindən olan Vətən müharibəsi şəhidlərimizin şəhadətə ucalmasının ikinci ildönümləri qeyd olunub

Şəhidlərimizin ailələri ziyarət olunub, əziz xatirələri ehtiramla anılıb.
Təbriz 05.08.1994-cü ildə Qırılı kəndində anadan olub. Vətən müharibəsində Azərbaycan Ordusunun müddətdən artıq həqiqi hərbi xidmət qulluqçusu kimi savaşıb. Zəngilanın azadlığı uğrunda gedən şiddətli döyüşlərdə igidlik göstərərək şəhidlik zirvəsinə ucalıb. Şəhidimiz “Vətən uğrunda”, “Döyüşdə fərqlənməyə görə” və "Zəngilanın azad olunmasına görə" medalları ilə təltif olunub. Orxan Avdıyev 1995 ci ilin 2 avqustunda Bakı şəhərində doğulub. Daha sonra ailəsi ilə birlikdə Ağstafa rayonu Pirili kəndinə baba ocağına köçüblər. Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin Sərəncamlarına əsasən Orxan Abdıyev ölümündən sonra "Vətən uğrunda", "Döyüşdə fərqlənməyə görə" və "Füzulinin azad olunmasına görə" medalı ilə təltif edilib.

Ağstafanın Düzqışlaq, Muğanlı və Zəlimxan kəndlərindən olan Vətən müharibəsi şəhidlərimizin şəhadətə ucalmasının ikinci ildönümləri qeyd olunub

Şəhidlərimizin ailələri ziyarət olunub, əziz xatirələri ehtiramla anılıb.

Azərbaycan Silahlı Qüvvələrinin baş çavuşu, Taleh Namazov 29.07.1999-cu il tarixində Düzqışlaq kəndində anadan olub. 44 günlük Vətən müharibəsində Füzulinin azadlığı uğrunda gedən şiddətli döyüşlərdə 27 oktyabr 2020-ci ildə şəhidlik zirvəsinə ucalıb. Şəhidimiz “Vətən uğrunda”, “Döyüşdə fərqlənməyə görə” və "Füzulinin azad olunmasına görə" medalları ilə təltif olunub.

01.05.1995-ci il tarixində Muğanlı kəndində dünyaya göz açan Aqilin vətənə olan sonsuz sevgisi onun torpaqlarımızın işğaldan azad olunması istiqamətində 44 gün davam edən Vətən müharibəsində könüllü olaraq savaşmasına sövq edib. O, 27 oktyabr 2020-ci il tarixində Füzuli döyüşlərində şəhidlik zirvəsinə ucalıb. Doğma kəndində dəfn olunan Aqil, “Vətən uğrunda”, “Döyüşdə fərqlənməyə görə” və “Füzulinin azad olunmasına görə” medalları ilə təltif olunub.

18.10.1994-cü tarixdə Zəlimxan kəndində anadan olan Fərrux da bir çox oğullarımız kimi Vətən müharibəsində könüllü olaraq savaşıb. 27.10.2020-ci il tarixində Füzulinin azadlığı uğrunda gedən amansız döyüşlərdə şəhadətə ucalan şəhidimiz “Vətən uğrunda”, “Döyüşdə fərqlənməyə görə”, “Füzulinin azad olunmasına görə” medalları ilə təltif olunub.