Son bir neçə aydır başlayan “Kapital Bank” adından vətəndaşlara zəng edərək kart məlumatlarını oğurlamaq cəhdləri hələ də davam edir.

Sözügedən kibercinayətkarlıqla bağlı banklar və eləcə də, hüquq mühafizə orqanları tərəfindən vətəndaşlara dəfələrlə xəbədarlıqlar edilib. Buna baxmayaraq, bu cəhdlərə aldananalar hələ də olur. Bu dəfə cinayətkarların yeni növ kiber hücumlar təşkil etdiyi deyilir.

"Ölkə.Az" xəbər verir ki, İT məsələləri üzrə ekspert Fərid Pərdəşünas belə cəhdlərdən birini videolentə alıb. Onun sözlərinə görə, həmin şəxslər saxta nömrədən “Spoofing” ilə zəng edərək zəngin gəlmə yerini gizlədir və zəngi istənilən şəxsin adından təşkil edir:
“Kapital Bank” adından “spoofing” ilə mesaj göndərir. Əsas məqsəd “BirBank”a daxil olmaq üçün köhnə dediyi parolu ələ keçirməkdir”.

F. Prədəşünasın sözlərinə görə, bu yeni növ kiber hücumdur. “Dostlarınıza, xüsusən valideynlərinizə bu barədə xəbərdarlıq edin”, - deyə o bildirib.