Mövlud Çavuşoğlunun Azərbaycana səfər proqramı açıqlandı

Mövlud Çavuşoğlunun Azərbaycana səfər proqramı açıqlandı Türkiyənin xarici işlər naziri Mövlud Çavuşoğlunun Azərbaycana səfəri fevralın 18-dən 19-dək davam edəcək.
Bunu Türkiyə Xarici İşlər Nazirliyi açıqlayıb.

Səfər çərçivəsində M.Çavuşoğlu azərbaycanlı həmkarı Ceyhun Bayramov ilə görüşəcək. Prezident İlham Əliyev XİN başçısını qəbul edəcək.

Həmçinin Gürcüstan baş nazirinin müavini – xarici işlər naziri David Zalkalianinin də iştirakı ilə Türkiyə-Azərbaycan-Gürcüstan xarici işlər nazirlərinin doqquzuncu üçtərəfli görüşü keçiriləcək.

M.Çavuşoğlunun gürcüstanlı həmkarı ilə ikitərəfli görüşü də olacaq. Danışıqlarda ölkələr arasında münasibətlər və regional məsələlərlə bağlı proseslər, həmçinin strateji tərəfdaşlıq səviyyəsində əməkdaşlığı inkişaf etdirmək üçün atıla biləcək addımlar ikitərəfli və üçtərəfli formatda müzakirə olunacaq.

Oxşar xəbərlər