Son aylarda aralarında münasibətlər normallaşan Şimali Koreya və Cənubi Koreya arasında növbəti addım atılıb.
İki ölkə arasındakı sərhəddəki hərbi müşahidə nöqtələri və tunellər ləğv edilib.

Sərhədin hər iki tərəfində olan 11 hərbi müşahidə nöqtəsi, sığınacaq və gizli tunellərin ləğv edilməsi prosesi yoxlanılıb. Hər iki ölkədən 77 nəfərin iştirak etdiyi görüşdə maraqlı anlar olub.
Bölgəni 65 ildir iki yerə bölən böhrandan sonra həll üçün ən dəqiq addım olaraq görünən bu həmlə haqqında açıqlama verilib:

“Keçmişdə Şimal və Cənub belə addım ata bilməzdi və belə əməkdaşlıq barədə düşünməzdik. İki ölkə arasında atmosfer əladır. Hətta əskərlər söhbət ediblər və bir-birlərini siqaretə qonaq ediblər”.