Fiziki şəxslərin şəxsi istehlak üçün xaricdən gətirə biləcəyi spirtli içki və siqaretin miqdarı azaldılıb.

Bununla bağlı baş nazir Novruz Məmmədov “Fiziki şəxslər tərəfindən istehsal, yaxud kommersiya məqsədləri üçün nəzərdə tutulmayan malların gömrük sərhədindən keçirilməsinin güzəştli və sadələşdirilmiş Qaydaları”nda dəyişikliklər edib.

Dəyişikliyə görə, qaydaların 2.1.10-cu yarımbəndində “3” rəqəmi “1,5” rəqəmi ilə və “600” rəqəmi “200” rəqəmi ilə əvəz edilib.

Qeyd edək ki, bundan əvvəl hər təqvim ayı ərzində bir dəfə 18 yaşına çatmış hər bir fiziki şəxs tərəfindən şəxsi istifadə üçün gömrük ərazisinə gətirilən 3 litr alkoqollu içki, 600 ədəd siqaret gətirməyə icazə verilirdi. Dəyişikliklə bu limit endirilib.