“Amrah Bank” hazırda mövcud olmayan kampaniya ilə müştərilərinə güzəştli nağd kredit verməyə söz verir.Kommersant.az xəbər verir ki, adı çəkilən bank müştərilərinə nağd krediti illik faiz dərəcəsini 20%-lə, kredit müddətini 26 ayadək, üstəlik ödəniş üçün 3 aylıq güzəşt müddəti verdiyini bildirir.
Banka yaxınlaşan müştəri isə kampaniya müddətinin bitdiyini və yeni şərtlərlə yəni, illik faiz dərəcəsinin 20% deyil, 27%-dən başladığını, kredit müddətinin 26 ay deyil, 24 ay olduğunu, 3 aylıq güzəşt olmadığını və bununla yanaşı 2% komissiya haqqının olduğunu öyrənir. Bu bank ötən aylarda başlatdığı kampaniyadan müddəti bitməsinə baxmayaraq müştəri cəlb etməyə çalışır və vəd etdiyi faiz və güzəşt əvəzinə yüksək rəqəmlərlə müştərilərinə kredit verməyə çalışır. Bank, bitmiş olan kampaniyanı rəsmi saytından silməyərək diqqət cəlb etməyə davam edir.
