Bu gün İsveçdə qışın ən soyuq günü qeydə alınıb.AZTB.info İsveç Dövlət Meteoroloji Xidmətinə istinadən xəbər verir ki, ölkənin şimalını təsiri altına alan şiddətli qarla birlikdə havanın temperaturu -40 dərəcəyə enib.
Ölkənin şimalında qar və fırtına səbəbilə fövqəladə vəziyyət elan edilib və məktəblər bağlanıb. Yaşı 65-dən yuxarı olan şəxslərə mümkün olduğu qədər bayıra çıxmamaq və avtomobil sürməmək xəbərdarlığı edilib.
Bundan başqa şimal bölgələrdə baş verən qar fırtınası səbəbindən 5 nəfər donaraq ölüb. Rəsmilər quzey qütbündən gələn şaxtalı havanın hələ davam edəcəyini bildirib.
