İrma qasırğası artıq ən təhlükəli - 5-ci kateqoriyaya yüksəlib.

Qasırğanın sürəti saatda 300 km-ə çatıb. Karib dənizində yerləşən Barbuda adası qasırğa nəticəsində xarabaya çevrilib. 1800 nəfərin yaşadığı adanın 95%-i zərər görüb. Müqəddəs Martin və Müqəddəs Bartelemi adalarında isə ölənlər olub. Yüzlərlə bina və tikili dağılıb, ağaclar kökündən çıxıb.

Porto Rikoya çatan İrma özü ilə birlikdə güclü yağış da gətirib. Hökümət insanlara evdən çıxmamaq barədə müraciət ünvanlayıb. Dominikan Respublikası, Haiti və Kubanın qasırğanın təsirinə məruz qalması gözlənilir.

ABŞ-ın Florida ştatına bazar günü çatacaq İrma qasırğası ilə əlaqədar insanlar həftə əvvəlindən tədbirlər görməyə başlayıb. Əhali qida, yanacaq ehtiyatı yığmağa başlayıb. 800-dən çox təyyarə səfəri təxirə salınıb. Kiy Vest bölgəsində artıq 5 min nəfər təxliyyə edilib.