“Bakıda keçirilən İslam Həmrəyliyi Oyunları və bu oyunlara olan xüsusi maraq bir daha göstərdi ki, ölkəmiz beynəlxalq miqyasda idman ölkəsi olaraq tanınıb və qəbul olunub”

Bu sözləri editor.az-a danışan Milli Məclisin deputatı Rauf Əliyev söyləyib.

Onun sözlərinə görə, dövlətimiz bu sınaqdan da ləyaqətlə çıxmağı bacardı:

“Gəlin açıq danışaq. Keçmiş ittiffaq ölkələrindən yalnız Azərbaycandır ki, təkcə son illərdə beynəlxalq miqyaslı müxtəlif ali idman tədbirlərinə ev sahibliyi edir. Çünki ölkəmizdə yaradılan şərait ən çətin və məsuliyyətli tədbiri belə qarşılamağa və yola verməyə imkan yaradır. Çox sevindirici haldır ki, biz bu sınaqdan da üzüağ çıxdıq. Zaman gələcək ki, ölkəmiz Olimpiya Oyunlarına da ev sahibliyi edəcək. Görünən odur ki, Cənab Prezident İlham Əliyevin idmana qayğı və dəstəyi ölkəmizin idman tarixində yeni və daha böyük səhifələr açacaq”.