Türkiyənin çoxtirajlı qəzetlərindən olan “Yeni Akit” qəzeti və “yeniakit.com.tr” saytı Azərbaycanla bağlı sensasion məqalə dərc edib.http://www.yeniakit.com.tr/haber/carpici-iddia-feto-azerbaycanin-ulasimini-ele-gecirdi-247568.html
Türkiyə prezidenti Rəcəb Tayyib Ərdoğana və mövcud iqtidara yaxınlığı ilə bilinən qəzetdə Bakı nəqliyyatının Fətullah Gülən tərəfindən ələ keçirildiyi qeyd edilir: Gülən camaatının Türkiyədən sonra ən çox Azərbaycanda güclü olduğunu yazan qəzetdə dərc olunan həmin məqaləni təqdim edirik:
“FETO-nun Türkiyədən sonra Azərbaycanda güclü olduğunu müəyyən vaxtlarda yazmışdıq. İddiaya görə paytaxt Bakıda nəqliyyata bütün nəzarət Fətullah Gülənin nəzarətinə keçib”. 21 dekabr 2015-ci ildə Bakı şəhərində nəqliyyat sahəsində islahatların keçirilməsinə dair əlavə tədbirlər haqqında imzalanan fərmanla yaradılan Bakı Nəqliyyat Agentliyinin və onun nəzdinə verilən Nəqliyyatı İntellektual İdarəetmə Mərkəzinin (NİİM) rəhbərliyinə gətirilən və ictimaiyyət tərəfəindən tanınmayan Vüsal Kərimli haqqında qəzet müdhiş iddia səsləndirib.
Qəzet yazır ki, Bakı Nəqliyyat Agentliyinə (BNA) rəhbər təyin edilmiş Vüsal Kərimli Fətullah Gülənə aid Lənkəran Özəl Türk Liseyinin məzunudur və o, 2014-cü ildə anidən bağladığı “Facebook” profilindən Gülən imamlarının iştirakı ilə FETO təbliğatı ilə məşğul olub, bu yöndə paylaşımlar edib:
“Hələ liseydə oxuduğu illərdən başlayaraq Fətullahçıların Azərbaycandakı rəhbərlərinin diqqətini cəlb edən Vüsal Kərimli daha sonra bütün sınaqlardan uğurla çıxaraq FETO-ya sədaqətini sübut edib. Beləliklə o, gizli təriqətin ən etibarlı üzvlərindən biri olub. FETO üzvlərinin təsir dairəsində olan bir çox qurumda işləyən Vüsal Kərimliyə daha sonra yüksək vəzifələr tapşırılır, dövlət sisteminə uğurlu şəkildə sızıdırılması baş tutur”.
Məqalədə qeyd edilir ki, nəqliyyat sahəsinə qədər gizli təriqətə bağlı bir neçə özəl şirkətdə işləyən Kərimli 2014-cü ildən isə “BakuBus” MMC-yə təyinat alaraq bu sahədə vəzifə sahibi olur.
Həmçinin qəzet Güən şəbəkəsini Azərbaycanda ifşa edən “Yeniçağ” saytına istinad edərək qeyd edir ki, Vüsal Kərimli BNA və NİİM-də stratejik vəzifələrə Gülən cammatına məxus şəxsləri təyin edərək Bakı nəqliyyatına nəzarəti tamamilə ələ keçirib. Məqalədə Bakıda Bakı Nəqliyyat Agentliyinin tabeçiliyində olan Nəqliyyatın İntellektual İdarəetmə Sisteminin quraşdırdığı və bütün paytaxtı əhatə edən kamera sistemindən bəhs edilərkən deyilir:
“Vüsal Kərimlinin nəzarətində olan NİİM-in fəaliyyət imkanlarını nəzərə alsaq Gülən camaatının əlinə hansı imkanların verildiyini düşünmək o qədər də çətin deyil”.
Qəzet sonda 2014-cü ildə Vüsal Kərimlinin Fətullah Gülən haqqında öz “Facebook” profilindən etdiyi təbliğat məqsədli paylaşımları təqdim edib.(medianews/az)
