“Kəşfiyyat məlumatları ilə çox yaxşı tanışam və 300 minlik əfqan təhlükəsizlik qüvvələrinin cəmi 11 günə - avqustun 6-dan 16-na qədər 34 əyalətini və paytaxtı taliblərə təslim edəcəyi barədə proqnozların yer aldığı heç bir hesabat olmayıb”.

Bunu ABŞ Silahlı Qüvvələrinin qərargah rəisləri Komitəsinin sədri, general Mark Milli deyib.

"Kəşfiyyat hadisələrin üç ssenari ilə inkişaf edə biləcəyini proqnozlaşdırmışdı. Bunlardan birinə görə, əfqan təhlükəsizlik qüvvələri və hökumətinin tezliklə çökməsi nəticəsində hakimiyyətin taliblər tərəfindən birbaşa ələ keçirilməsi, ikincisi vətəndaş müharibəsi, üçüncüsü isə məsələnin danışıqlar yolu ilə nizamlanması idi. Bizim qoşunların çıxarılmasından sonra həftələr, aylar və hətta illər nəzərdə tutulurdu ki, bu müddətdə hökuməti çökə bilər”, - Mark Milli deyib.