FHN məlumat yaydı

Bakı-Qazax yolunda ağır yol qəzası baş verib.

Fövqəladə Hallar Nazirliyinin (FHN) saytı verdiyi xəbərə görə, nazirliyin Böhran Vəziyyətlərində İdarəetmə Mərkəzinə, Bakı-Qazax şosesinin 479-cu km-də yol nəqliyyat qəzası barədə məlumat daxil olub.

Qəza zamanı “VAZ” markalı minik avtomobili idarəetməni itirərək yol kənarındakı səkiyə çırpılıb.

Yanğınsöndürən-xilasedicilər avtomobilin sahibi E.Bəyimov, sərnişin Ş.Əhmədovun meyitini və müxtəlif bədən xəsarətləri alan digər sərnişini avtomobildən çıxararaq aidiyyatı üzrə təhvil veriblər.