Avqustun 30-da Bakıda Azərbaycan Avtomobil Federasiyası (AAF) və Azərbaycan Respublikası Atçılıq Federasiyasının (ARAF) birgə təşkilatçılığı ilə klassik avtomobillərin sərgisi və yürüşü, həmçinin çövkən oyunu və at şousunun bir araya gəldiyi “At gücü” adlı tədbir keçirilib.

30 avqustda Bakıda baş tutan Retro Maşın Sərgisi avtomobil həvəskarları üçün əsl bayrama çevrildi.

Sərgidə XX əsrin müxtəlif dövrlərinə aid nadir klassik avtomobillər nümayiş etdirildi, iştirakçılar isə həm nostalji dolu bir atmosfer yaşadılar, həm də avtomobil sənayesinin inkişaf mərhələlərini yaxından izləmək imkanı qazandılar.

Tədbirdə Heydər Əliyev Fondunun vitse-prezidenti Leyla Əliyeva da iştirak edərək sərgi ilə tanış oldu, nümayiş olunan avtomobillərə xüsusi maraq göstərdi və kolleksiyaçılarla söhbət etdi.

Sərginin yadda qalan məqamları:
• 1930–1980-ci illərin nadir və bərpa olunmuş avtomobilləri
• Retro üslubda fotozonalar və canlı nümayişlər
• Avtomobil kolleksiyaçılarının maraqlı təqdimatları və hekayələri

Sərgi ziyarətçilərə nostalji ab-hava bəxş etdi və paytaxtda böyük maraqla qarşılandı.