Bəzi internet saytlarında Yasamal rayon icra hakimiyyətinin başçısı Elşad Həsənov ilə bağlı böhtan xarakterli məlumatlar dərc edilir. Amma məlumatların hardan qaynaqlandığını deyə bilmərik. Lakin tam məsuliyyətlə qeyd edirik ki, Elşad Həsənov haqqında yayımlanan qərəzli və böhtan xarakterli məlumatlar tamamilə əsassızdır. Bu cür dezinformasiyalar cəmiyyət arasında heç də birmənalı qarşılanmır.
Bəzi saytlar bunun əksini yazmaqla cəmiyyət arasında ajiotaj yaratmağa çalışırlar. Amma alınmayacaq.

Yasamal rayon icra hakimiyyətində qazilərlə növbəti görüş keçirilib

Vətən müharibəsi iştirakçılarının problem və qayğılarını operativ şəkildə həll etmək məqsədilə Yasamal Rayon İcra Hakimiyyətində qazilərlə növbəti görüş keçirilib. Tədbirdə Yasamal rayon icra hakimiyyətinin başçısı Elşad Həsənov, RİH aparatının məsul əməkdaşları, Haqqın.az saytının baş redaktoru Eynulla Fətullayev iştirak ediblər. Görüş Yasamal RİH-in təşkilatçılığı, Haqqın.az saytının təşəbbüsü ilə keçirilib.Tədbirin əvvəlində Ulu Öndər Heydər Əliyev və şəhidlərimizin əziz xatirəsi bir dəqiqəlik sükutla yad edildi. Görüşü giriş sözü ilə açan Yasamal Rayon İcra Hakimiyyətinin başçısı Elşad Həsənov vurğuladı ki, cənab Prezident İlham Əliyevin tapşırıq və göstərişlərinə uyğun olaraq Vətən müharibəsi iştirakçıları ilə işin təşkilinə xüsusi prioritet ayrılır. Bildirildi ki, Vətən müharibəsi iştirakçılarının problemlərinin həlli hazırda dövlət idarələrinin əsas fəaliyyət istiqamətlərindən biridir. Bu mənada Yasamal rayonunda müharibə veteranlarına, onların probləmlərinə maksimum diqqət ayrırlır.

Öz növbəsində Haqqın.az saytının baş redaktoru, Əməkdar jurnalist Eynulla Fətullayev bildirdi ki, Yasamal rayonunda doğulan və burada uzun illər yaşayan sakin kimi rayonda həssas təbəqə nümayəndələrinə diqqət onlar üçün mühüm əhəmiyyət kəsb edir. Burada məqsəd əlil olan və sosial dəstəyə ehtiyacı olan qazilərimizə dayaq olmaqdır.

Qazilər bu cür diqqət və qayğıya görə Ali Baş Komandan cənab İlham Əliyevə xüsusi təşəkkürünü və məmnunluğunu ifadə etdilər. Yasamal rayonunda Vətən müharibəsi qaziləri ilə mütəmadi təmaslar və onların sosial ehtiyaclarının qarşılanması üzrə silsilə görüşlər davam edir.

Yasamal Rayon İcra Hakimiyyətinin başçısı ərazidə sakinlərlə görüşdü, qəzalı binaya baş çəkdi

Azərbaycan Respublikasının Prezidenti cənab İlham Əliyevin dövlət qurumları rəhbərlərinin əhali ilə görüşlərinin keçirilməsi barədə tapşırığına uyğun olaraq Yasamal rayonunda növbəti səyyar görüş keçirilib. Sakinlərin problemlərinin həlli məqsədilə təşkil olunan görüşdə Yasamal Rayon İcra Hakimiyyətinin başçısı Elşad Həsənov 31 saylı tam orta məktəbin akt zalında vətəndaşlarla görüşüb. Görüşdə Yasamal rayonunun sakinləri, həmçinin rayon icra hakimiyyətinin məsul şəxsləri, Mənzil Kommunal Təsərrüfatı Birliyinin və xidmət sahələrinin rəhbərləri iştirak ediblər.Sakinləri salamlayan Yasamal Rayon İcra Hakimiyyətinin başçısı Elşad Həsənov “Heydər Əliyev ili” çərçivəsində rayonda görülən işlər və həyata keçirilən silsilə tədbirlər barədə geniş məlumat verdi. İcra başçısı 15 iyun- Milli Qurtuluş Günü, Ulu Öndərin tariximizdə oynadığı misilsiz rol və tarixi missiyası barədə öz fikirləri ilə bölüşdü. Daha sonra isə sakinlərdən qarşılaşdıqları problemlər barədə ətraflı danışmağı xahiş etdi.

Söz alan vətəndaşlar məhəlləarası yollarda asfalt örtüyünün yenilənməsi, qurumuş agacların budanması, tikintiyə icazə, yaşayış obyektlərinin statusunun dəyişdirilməsi, qəzalı binalar, kanalizasiya xəttlərinin mövcud durumu, qanunsuz tikililərlə mübarizə, mənzi təminatı, zirzəmilərin təmiri və digər məsələlərlə bağlı öz təklif, şikayət və fikirlərini bildirdilər.Qəbulda Yasamal Rayon İcra Hakimiyyətinin başçısı Elşad Həsənov sakinlərin suallarına geniş şəkildə cavablar verdi.Bir sıra problemlərin həllinə dair RİH əməkdaşlarına birbaşa göstərişlər verildi.Səyyar qəbulda sakinlərin arzu və təklifləri dinlənildi, səsləndirdikləri məsələlərin həlli ilə bağlı tədbirlər müəyyənləşdirildi.

Səyyar qəbuldan dərhal sonra Yasamal Rayon İcra Hakimiyyətinin başçısı Elşad Həsənov yerli sakinlərin dəvəti ilə yaxınlığdakı ərazidə yerləşən qəzalı binaya baş çəkdi. Burada İcra başçısı bilavasitə binanın vəziyyətinə baxış keçirdi, sakinlər, məsul şəxslər və tikinti şirkətlərinin təmsilçiləri ilə söhbət etdi. Vəziyyətdən çıxış yolu ətrafında fikir mübadiləsi aparıldı. İcra başçısı problemin həllinə dair vəzifəli şəxslərə göstərişlər verdi. Səyyar görüş sakinlər tərəfindən məmnunluqla qarşılandı.