Xəbər verdiyimiz kimi, Daxili İşlər Nazirliyinin Çevik Polis Alayının komandiri general-mayor Səhlab Bağırov vəzifəsindən azad olunub.

“Qafqazinfo”nun məlumatına görə, artıq generalın yeni vəzifəsi də müəyyənləşib. Belə ki, Səhlab Bağırov nazirin əmri ilə DİN Baş İctimai Təhlükəsizlik İdarəsinin Xüsusi Təyinatlı Təlim Mərkəzinin rəisi vəzifəsinə təyinat alıb.

Məlumat üçün bildirək ki, sözügedən qurum DİN sistemində yeni yaradılıb.

Artıq S.Bağırov vəzifəsinin icrasına başlayıb.