Azərbaycanda 5 mindən çox şəxs mənzil fırıldağı ilə bağlı zərərçəkmiş qismində tanınıb.Buna səbəb MTK-ların reysterinin aparılması ilə bağlı qanunun olmamasıdır.
Xəzər Xəbər xəbər verir ki, bunu əmlak məsələləri üzrə ekpert Elnur Fərzəliyev deyib.
Ekspert bildirib ki, "ASAN xidmət"də ilkin çıxarışların verilməsi həyata keçirilsə də, hər tikinti şirkətinin rəhbəri bunu etməkdə maraqlı deyil. Çünki bu prosesi həyata keçirən zaman dövlət qurumuna mütləq qaydada təqdim olunmalı sənədlər var.
Elnur Fərzəliyev vətəndaşlara yeni binalardan mənzil alarkən vəkilə müraciət etmələrini tövsiyə edib. Ekspert vurğulayıb ki, satış mexanizminin qanunvericilik səviyyəsində dəyişməsi ilə bağlı məsələ həllini taparsa, əmlak bazarına böyük alıcı kütləsi axın edə bilər.
