Arazdəyən-Culfa-Ordubad-Mehri-Horadiz dəmir yolunun Ermənistan ərazisində bərpa olunmasına 226 milyon dollar tələb olunacaq.“Qafqazinfo” xəbər verir ki, bu barədə məlumatı Ermənistanın Ərazi İdarəetmə və İnfrastruktur Nazirliyi yayıb.
İlkin məlumata görə, yolun Mehridən keçən hissəsində işlərin həyata keçirilməsi 221 milyon dollara başa gələcək. Bu hissədə yolun uzunluğu təqribən 45 kilometr təşkil edəcək.
Bundan əlavə, dəmir yolunun Arazdəyəndən keçən hissəsində bərpa olunmasına təqribən 5 milyon dollar lazım gələcək. Burada yolun uzunluğu 1 kilometrə qədər olacaq.
Nazirlik qeyd edib ki, hesablamalar əvvəlki infrastruktur (stansiyalar və s.) nəzərə alınmaqla aparılıb, yalnız layihənin texniki-iqtisadi cəhətləri hazırlandığı halda əlavə infrastrukturun yaradılmasından və dəqiq qiymətdən danışmaq mümkün olacaq.
