"Arzuları çox idi. Dərslərini yaxşı oxuyurdu, hüquqa hazırlaşırdı. Tarix müəlliminin "Kişi o oğula deyərəm ki, hərbi məktəbə getsin" sözü onu fikrindən daşındırdı”.
Azərbaycanın Milli Qəhrəmanı, general Polad Həşimovun anası Səmayə Həşimova oğlu ilə bağlı xatirələri "Report"a bölüşüb.

Qeyd edək ki, P.Həşimov 2020-ci il iyulun 14-də Tovuz istiqamətində baş verən şiddətli döyüşlər zamanı Ermənistan Silahlı Qüvvələrinin hücum cəhdinin qarşısını alarkən qəhrəmancasına şəhid olub. O, iyulun 15-də II Fəxri xiyabanda dəfn olunub. 2020-ci il dekabrın 9-da Prezident İlham Əliyevin sərəncamı ilə P.Həşimova Azərbaycanın Milli Qəhrəman adı verilib.