Suraxanı rayonunda Əmircan qəsəbəsində növbəti küçə asfaltlanır

Suraxanı rayonunda həyata keçirilən sosial–iqtisadi siyasətin əsas istiqamətlərindən biri də qəsəbələrarası yolların və məhəllədaxili küçələrin əsaslı şəkildə yenidən qurulmasıdır.

Nəqliyyatın maneəsiz hərəkətinin tənzimlənməsi, əhalinin rahat gediş-gəlişinin təmin edilməsi məqsədilə hazırda Azərbaycan Avtomobil Yolları Dövlət Agentliyi 7 №-li Yol istmarı MMC tərəfindən Suraxanı rayonu, Əmircan qəsəbəsi, Tahir Bağırov küçəsində 9500,0 kv.m asfalt örtüyünün salınması işləri həyata keçirilir. Küçə boyu zəruri olan yerlərdə texnoloji ardıcıllığa uyğun olaraq, köhnə örtük sökülür və yararsız qrunt qazılaraq çıxarılır, əvəzinə yararlı materiallar tökülərək kipləşdirilir. Daha sonra yeni asfalt-beton örtüyü döşənir. Görülən işlər çərçivəsində rayonun mərkəzi və məhəllədaxili yolları yüksək sürətlə abadlaşır.

Qeyd edək ki, Əmircan qəsəbəsində 4,0 kilometr uzunluğunda olan Səttar Bəhlulzadə, Balandin, Park, Elxan Həsənov, Malik Mustafayev, Atamoğlan Rzayev küçələrini birləşdirən yolda asfaltlanma işləri artıq yekunlaşmışdır. Əlisöbət Sumbatzadə, İlham Şükürov, Tofiq Bayram, Cabir Əliyev və Cəfər Cabbarlı küçələrində isə cari təmir işləri görülüb.

Rayonun digər qəsəbələrində də ehtiyacı olan küçələrdə və məhəllədaxili yollarda asfaltlanma işləri mərhələli şəkildə davam etdirilir.

Suraxanı rayonunda xüsusi karantin rejimi ilə əlaqədar reydlər gündəlik davam etdirilir

Suraxanı rayonunun qəsəbələrində əhalinin sağlamlığı və təhlükəsizliyinin təmin edilməsi istiqamətində karantin rejiminin tələblərinin yerinə yetirilməsinə nəzarət məqsədilə yaradılmış mobil qrup üzvləri tərəfindən növbəti dəfə ictimai-iaşə və ticarət obyektlərində monitorinqlər keçirilmiş, eləcə də sakinlər arasında maarifləndirmə işləri aparılmışdır.