Xəbər verdiyimiz kimi, tanınmış idmançı Kamil Zeynallı həbs olunub.

Nərimanov Rayon Məhkəməsinin qərarı ilə Kamil Zeynallıya 10 sutka inzibati həbs cəzası verilib. O, Binəqədi Müvəqqəti Saxlama Təcridxanasına göndərilib.

Onun həbs edilməsinə səbəb Heydər Əliyev Mərkəzinin yaxınlığında telefonla danışarkən ətrafdakılara söyüş söyməsidir.

AZXEBER.COM mövzunun aktuallığını nəzərə alaraq həbs həyatı yaşamış idmançılarla bağlı araşdırma aparıb. Məşhur azərbaycanlı samboçu, dünya çempionu Sadiq Kərimov 2015-ci ildə Sankt-Peterburqda saxlanılıb. O hədə-qorxu yolu ilə böyük miqdarda pul tələb etməkdə ittiham olunub.

Tanınmış idmançı Kamil Zeynallı 3 dəfə həbs həyatı yaşayıb. O 2 dəfə dava etdiyinə, 1 dəfə isə küçədə söyüş söydüyünə görə həbs olunub. Son dəfə ona 10 “sutka” iş verilib.

Kikboks üzrə 5 qat dünya çempionu Ehram Məcidov da həbsxana həyatı yaşayıb. O qaynatasını döydüyünə görə 5 il iş alıb.

Vaxtilə Azərbaycanın ən məşhur futbolçularından olan Maşallah Əhmədov da həbs həyatı yaşayıb. O başqasının külli-miqdarda pulunu mənsiməkdə ittiham olunub.

Güləş üzrə üçqat dünya çempionu adına layiq görülən Saday İsmayılov da 2 dəfə həbsdə olub. O da hədə-qorxu gəlməklə pul tələb etmə maddəsi ilə cəzalanıb.

“Qəbələ” futbol klubunun kapitanı Cavid Hüseynov da həbs həyatı yaşayıb. Buna səbəb jurnalist Rasim Əliyevin ölümü olub. C.Hüseynovun bibisi oğlu Elşən İsmayılov və daha 6 nəfər tərəfindən vəhşicəsinə döyülən, 4 qabırğası sındırılan, qulağı zədələnən jurnalist 1 saylı Kliniki Tibii Mərkəzə aparılıb və orada dünyasını dəyişib.

Cüdo üzrə dəfələrlə Azərbaycan çempionu, Avropa üçüncüsü və beynəlxalq turnirlərin qalibi olan Müseyib Cəfərov da həbsdə olub. Ona qəsdən adamöldürmə maddəsi ilə cinayət işi açılıb.