Qoç – işinizi optimallaşdırmağın yollarını düşünün. Gündəlik fəaliyyətinizdə, adət etdiyiniz işlərdə nöqsanlar və çatışmazlıqlar var. Layihələr, yeni sifarişlər varsa, tələsməyin. Vurnuxmaya yol verməyin.

Günün ikinci yarısında yad müstəvidə uğurlar qazanmağa çalışacaqsınız. Danışıqlar və görüş üçün münasib zamandır. Şəxsi münasibətlərdə müvazinəti pozmayın. Qısqanclıq üçün heç bir səbəb yoxdur. Maliyyə problemi sizi qorxutmasın.

Axşam saatlarında normal istirahət etməyə can atın.
Buğa – prioritet məqsədi müəyyənləşdirin, ona doğru irəliləməyə çalışın. Ofisdəki iş cansıxıcı olsa da, tapşırıqları vaxtında və səhih yerinə yetirin. Təcili işlərdə ləng davranmayın. Yaxın ətrafınızdakı insanlar arasında sizə yardım edəcək insan var.

Günün ikinci yarısında mövqelərinizi qorumaqla yanaşı, ailənizin mənafeyini ani hissə qurban verməyin. Yaxşı tanımadığınız insanlarla aqressiv davranmayın. Eviniz qalanızdır – unutmayın. İzafi emosionallıqda zərər var.

Əkizlər – kiçik problemlər ciddi neqativ emosiyalar yarada bilər. Sadəcə, öhdəliklərinizi yerinə yetirin. Sizi sınağa çəkmək istəyənlər var. Günün olaylarını diqqətlə müşahidə edin.

Günün ikinci yarısında işdə rəhbərliklə danışıqlarda gərəkli informasiyalardan yararlanın. İstənilən an yeni işə hazır olun.

Axşam saatlarına yaxın enerji potensialınızın səviyyəsi aşağı düşəcək. Romantik təmasları ertələyin. Sevdiyiniz insanla ünsiyyətdə qarşılıqlı anlaşma ilə bağlı problemlər yarana bilər.
Xərçəng – problemlərin öhdəsindən qeyri-trivial şəkildə gələ bilərsiniz. İntuisiyanıza, “altıncı hiss”inizə güvənin. Aktiv fəaliyyəti təxirə salaraq bir qədər dincəlmək və ya maraqlandığınız işlə məşğul olmaq istəkləriniz yersizdir.

Dəyər verdiyiniz insanları günün ikinci yarısında sevindirməyə çalışın. Ailə üzvlərinin irad və tələblərini nəzərə alın. Sevdiyiniz adamın sözlərinə diqqətlə qulaq asın.
Şir – yaşam sakit və rəvan olsa da, temperamentinizi nümayiş etdirməyə səbəb tapacaqsınız. Situasiyadan asılı olmayaraq təmkinli davranın. Yaxın ətrafınızdakı insanların istəklərini nəzərə alın.

Günün ikinci yarısında kimlərsə dediklərinizi nəzərə almırsa, aqressivləşməyin. Hadisələrin soyuqqanlı təhlili bir sıra səhvlərin qarşısını alar.

Dəyər verdiyiniz insanların qəlbini qırmayın.

İfrat emosionallıq, hisslərin nəzarətdən çıxması münasibətləri korlaya bilər. Maraqlandığınız insanla romantik anlar yaşamağa can atın.
Qız – yaxın ətrafınızdakı insanların qərarlarınıza kobud təsirinə və müdaxiləsinə imkan verməyin. Adi, yeknəsək yaşamı dəyişmək istəyi yaranıbsa, qətiyyətli olun. Qarşınıza qoyduğunuz məqsədlərə çatmağa çalışın.

Günün ikinci yarısında mənasız riskə yol verməyin. Fəsadları ağır olacaq səhvlərə yol verməmək üçün enerjinizi yaradıcı istiqamətə yönəldin.

Dəyişikliklər istəyi sizi axşam saatlarında düşünülməmiş addımlar atmağa vadar edə bilər. Orijinal görünmək üçün absurd görünməyin.

Hisslərinizin köləsinə dönməyin, amma soyuqqanlılığı absolyuta da yüksəltməyin.

Tərəzi – yaranmış situasiyanı, sadəcə, inad və ya əzmlə dəyişmək mümkün deyil. Buna rəğmən, ruhdan düşməyin. Saatlar keçdikcə müsbət təmayüllərin təsiri artacaq. Maliyyə məsələlərində risk etməyin. Xərclərinizə nəzarət edin.

Günün ikinci yarısında ailə həyatında və ya sevdiyiniz insanlarla təmaslarda mürəkkəb anlar, sərinləşmələr yarana bilər. Yaxınlarınız sizi anlamağa çalışırlar. Amma situasiya mürəkkəb olduğundan mübahisələrə başlamayın, mənfi emosiyalarınızı izhar etməyin. Axşam saatlarını sakit şəraitdə keçirin.

Əqrəb – aktiv olun, yaşam proseslərinə nəzarət rıçaqlarını əldən verməmək üçün fəal çalışın. Səlahiyyətlərinizi başqasına həvalə etməyin. İşdən imtina etsəniz, itkilər qazancdan daha çox olacaq. Əməyinizin bəhrəsini mənimsəmək və ya öz adına çıxarmaq istəyənlər tapılacaq.

Günün ikinci yarısında dostlardan birinə təcili kömək gərəkdir. Tələsin, vaxt itirməyin.

Yaxınlarınızla təmaslarda impulsiv davranmayın. Əhval dəyişiklikləri və emosiyalarınız davranışınızın imperativinə çevrilməməlidir. Axşam saatlarında enerji potensialınızın səviyyəsi aşağı düşəcək. Yuxusuzluq istisna deyil.

Oxatan – enerjili və fəal davranaraq məqsədə çatmaq üçün bütün vasitələri sınayın. Emosional yenilənməyə zərurət var. Belə anlarda dəyişikliklər yanğısı ilə çılğınlıqdan qurtulmaq gərəkdir. Yeniliklər və islahatlar nədənsə vaz keçməyi tələb edir. Usanmayın. Yeni imkanlar qurbansız olmur.

Dəyər verdiyiniz insanla münasibətləri günün ikinci yarısında təftiş edin. Aparılan yox, aparan olun. Yeni təcrübədən yararlanmaq pis deyil.

Tanışlıqda önəmli insanı itirməyin.

Oğlaq – təmaslarda ehtiyatlı, ünsiyyətdə səlis olun. Düşünülməmiş deyilən söz opponenti rəqibə çevirə bilər. Özünüzə nəzarət edin. İşgüzar əlaqələr və biznesi təhlükəyə atmayın.

Kredit götürmək, borc almaq məsləhət deyil.

Günün ikinci yarısında illüziyalara qapılmayın. Arzularınız və istəkləriniz hər şeydən mühüm nəsnələr deyil. Ailə üzvləri ilə təmaslarda qayğıkeş, səmimi olun.

Səhhətinizə fikir verin. Ümumi halsızlıq, mədə ağrıları, ürəkbulanma istisna deyil. Zökəmə yoluxa da bilərsiniz.

Dolça – qəti qərar verərək sözdən işə keçməzdən əvvəl ən optimal və mümkün qədər effektiv yol tutduğunuza əmin olun. Mübahisə də ola bilər. Fikirləri ilə mövqeləri sizdən tam fərqlənən insanla mükalimədə haqlı olduğunuzu hər vəchlə sübut etməyə can atmayın.

Günün ikinci yarısında maraqlar münaqişəsi və ya toqquşmalar təmasları korlaya bilər. Axşam saatlarına romantik görüş və ya təmaslar planlaşdırmayın. Əhvalınız pisləşərsə, yuxusuzluq qaçılmazdır.

Balıqlar – uzun müddətdən bəri hazırladığınız planı mükəmməl etməyə çalışın. Problemlərin özbaşına, avtomatik həllini tapacağını ağlınıza belə, gətirməyin. İdeyalarınızı reallaşdırmaq üçün etibar etdiyiniz insanların yardımlarına ehtiyacınız var.

Günün ikinci yarısında peşəkarlarla çalışın. Ailə həyatında hər şey normaldır. Yaxınlarınıza yardım edin, məsləhətlərinizi əsirgəməyin.

Axşam saatları xoş görüşlər, yaxşı tanışlıqlar vəd edir.
Milli.Az