Bakı küçələrinin təmizliyi üçün xüsusi texnika gətiriləcək.

Bakı şəhər İcra Hakimiyyətindən Oxu.Az-a daxil olan məlumata görə, son zamanlar süpürgəçi qadınların iş başında ölməsi barədə məlumatların çoxalmasından sonra vəziyyətin kökündən dəyişdirilməsi üçün tədbirlər görülür.

Bundan əlavə, prezident İlham Əliyevin göstərişi ilə meriya tərəfindən xüsusi proqram hazırlanır və onun icrasından sonra yollarda zibilin yığışdırılması tamamilə avtomatlaşdırılacaq.

“Əlbəttə, iş prossesində insan amili qalacaq, lakin minimuma endiriləcək. Öz vəzifə öhdəliklərini yerinə yetirən zaman kommunal xidmət əməkdaşlarının ölümü faciədir və qəbuledilməzdir”, – məlumatda vurğulanıb.