Astronomlar Yupiter planetinin orbitində 12 yeni peyk kəşf ediblər.
Beləcə, Yupiterin peyklərinin sayı 79-a çatıb.

Skott Şeppardın rəhbərlik etdiyi alimlər qrupu peykləri 2017-ci ilin yaz aylarında müşahidə ediblər. Bu zaman alimlər Günəş sistemindən uzaqda yerləşən obyektləri müşahidə edir və doqquzuncu planeti axtarırdılar.
Kəşf edilən peyklərdən 11-i adi, 1-i isə xüsusi peyk adlandırılıb. Ehtimal edilir ki, peyklər kosmik cismin asteroid, komet və digər peyklərlə toqquşması zamanı yaranıb.